Ra’iisal Wasaaraha
Soomaalida Dr. C/weli Gaas oo la kulmay dhigiisa Kenya
(Nairobi, Kenya May 28, 2012 Ceegaag Online)
Ra’iisul wasaaraha
Soomaaliya Dr. C/weli Mahamad Cali (Gaas) ayaa maanta la
kulmay dhigiisa dalka Kenya Raila Odinga oo ay ka wada
hadleen Arimo dhowr ah oo ay ka mid yihiin xiriirka labada
dal, arrimaha Amniga iyo howlgaladda ka socda dalka
gudihiisa oo ay ciidamada Kenya qeyb ka yihiin, heshiiskii
Addis Ababa iyo shirka Istanbul lagu Wado inuu ka dhaco
31-ka May 2012.
Kulanka ay yeesheeen
labada Ra'iisal wasaare ayaa waxaa goob joog ka ahaa
Safiirka Soomaaliya u fadhiya dalka Kenya Mahamed Cali
Ameriko iyo xubno kale. Ra’iisul Wasaaraha Kenya Raila
Odinga ayaa ugu horeen soo Dhaweeyey Ra'iisal wasaare Dr.
Gaas kuna ammaanay dadaalada socda iyo horumarka baaxadda
leh ee Soomaaliya ay sameysey 11-kii bilood ee la Soo
dhaafay.
Ra’iisul Wasaaraha
Soomaaliya ayaa uga mahadceliyey dhigiisa soo dhoweynta
quruxda badan, isla markaana warbixin dheer ka siiyey
Xaaladda dalka iyo horumarka baaxadda leh ee laga sameeyey
dalka iyo Sida ay Soomaalidu uga go’antahay soo afjaridda
xilliga KMG ah oo uu Sheegay in madaxda Soomaalida ay Addis
Ababa heshiis taariikhi ah ku Soo gaareen oo ay la socoto
jadwal mucayan ah oo taariikheysan.
Labada Ra’iisul Wasaare
waxey si qoto dheer uga wada hadleen sidii Mudada yar ee ka
dhimay 20-ka August si fiican looga faa’iideysan lahaa,
Waxey kaloo ka wada hadleen shirka Istanbul 2 oo ay labada
Ra’iisul Wasaare isla meel dhigeen qorshaha shirka Istanbul
iyo sidii ay uga Wada shaqeyn lahaayeen soo afjaridda
Xilliga KMG ah.
