Madaxweynaha dowladda
Soomaaliya sheekh Shariif Sheekh Axmed ayaa gaaray
maalintii shalay wadanka Turkiga halkaasi oo si diiran
loogu soo dhaweeyay.
Madaxweynaha Turkiga
Cabdalla Gol ayaa kamid ahaa Mas’uuliyiintii soo dhaweysay
waxaana lagu marti qaaday xarunta Madaxtooyada ee Wadanka
Turkiga.
Cabdalla Gol Madaxweynaha
wadanka Turkiga ayaa waxa uu u ballan qaaday dowladda
Soomaaliya in arrimo badan uu gacan kasiin doono si ay u
noqoto dowlad cagaheeda isku taagta.
Waxyaabaha uu ballan
qaaday ayaa waxaa kamid ah dib u dhiska Ciidamada dowladda
iyo tababar in loosiiyo Ciidamada dowladda Soomaaliya sida
uu ballan qaaday Madaxweynaha wadanka Turkiga.
Sidoo kale waxyaabaha uu
Soomaalida ka caawinayo ayuu sheegay Cabdalla Gol in ay
kamid yihiin Arrimaha Caafimaadka iyo tarbiyada taasi oo
kaalin weyn ay ka qaadan doonto dowladda Turkiga.
Dhinaca kale Madaxweyne
Sheekh shariif ayaa soo dhaweeyay ballan qaadka, waxaana
uu sheegay in arrinta ugu weyn ee iminka taagan ay tahay
burcad badeeda aadna ay uga xun yihiin waxa ka dhacaya
xeebaha Soomaaliya iyo kuwa kabaxsan lakin waxa uu sheegay
wax ka qabadkiisa in dowladda ay u baahan tahay agab
loojistiko in loosiiyo iyo tababar si ay wax uga qabtaan
xaaladahaasi.
Beesha Caalamka ayuu
markale ugu celiyay Sheekh Shariif in dowladda Soomaaliya
ay garab kusiiso sidii burcad badeedka ay wax uga qaban
lahaayeen isla markaasina uga hortagi lahaayeen.
Cabdala Guul iyo Sheekh
Shariif
Daawo Sawirada intooda
kale
www.ceegaag.com
webmaster@ceegaag.com
