Madaxweynaha Somalia oo
Maanta shir jaraa'id oo uu ku qabtay Magaaladda Magaaladda
Muqdisho Kaga Hadlay Arrimo Badan.
(Muqdisho.
May 02, 2009 Ceegaag Online)
Waxaa Maanta Shir jaraa'id ku Qabtay Magaaladda Muqdisho
Madaxweynaha Somalia Shariif Shiikh Axmed waxaana uu kaga
warbixiyay arimo badan oo ay ugu weyneed safaradiisii uu ku
soo maray dalal badan oo ay ka mid ahaayeen dalal ku yaala
qaarada yurub iyo qaar ka mid ah Dalalka Carabta oo ay ka
mid tahay dalka masar.
Madaxweynaha ayaa sheegay in kulamo uu la yeeshay
masuuliyiinta dowladahaasi ay iskula soo qaadeen arimo badan
oo uu carabka ku dhuftay in ay ka mid ahaayeen arimaha
dhaqaalaha iyo taakuleynta dowladiisa, waxuuna madaxweynuhu
intasi ku daray in ay isku soo afgarteen dhamaan waxyaabihi
ay ka
wada hadleen .
Madaxweyne shariif ayaa shirkiisa jaraa'id waxa uu kaga
hadlay arimo badan oo ay ka mid ahayeen arimaha Amaanka iyo
Burcad badeeda ka jirta qeybaha dalka isagoo shaaciyay in
burcad badeeda Soomaalida loola dagaalami karo oo keliya in
dib loo soo nooleeyo ciidamadii maariiniska ee dowlada
Soomaaliya ayna dowladiisu ku guda jirto sidii ay dib ugu
dhisilaheyd laamaha Amaanka badaha iyo berigaba .
Sidoo Kale Madaxweyne Shariif ayaa canbaareyey weerarada
iyo dilalka loo geysto xubnaha barlamaanka KMG ee Soomaaliya.
Madxweyne Shariif wuxuu tacsi u eheladii ay ka geeriyoodeen
xubnaha barlamaanka ka tirsanaaa ee dhawaan toogashada lagu
dilay oo uu sheegay inay la dilay iyagoo gudanaya waajibaad
qaran Shariif wuxuu ugu baaqay kuwa dilalka geysanaya inay
ka waantoobaan ficiladaasi oo ay ka waantoobaan.
Madaxweyne Shariif mar uu ka hadlayay maamul goboleedyada
ka jira Soomaaliya, wuxuu sheegay in siyaasada dowladiisu
ee 2-da sano ee socota ay tahay in dhamaan gobollada dalka
iyo maamuladooduba ay si midnimo qaran u midoobaan oo la
helo maamul wanaag iyo dib u dhis isla markaana cidwalba
waxa ay tabanaysano laga wada hadlo lana xaliyo.
www.ceegaag.com
webmaster@ceegaag.com |
