|
Faahfaahin ku saabsan Wasiiro
ka tirsan Dawladda KMG ah ee Somalia oo la isku shaandheeyay.
(Muqdisho,
August 18, 2009 Ceegaag Online)
Shalay
ayay ahayd markii DFKMG ah ee Somalia isku shaandheyn ku
samaysay Golaha Wasiiradda waxaana
Isku shaandheyntayni timi markii
Ra'iisulwasaare Cumar C/rashiid iyo Madaxweyne Sharif Sheikh
Axmed isku afgarteen in La soo kordhiyo Xubno cusub oo ku
soo biira Dawladda Somalia islamarkaasna Qaar kale la kala
bedelo waxaana la isku shaandheeyay wasaarado ay ka mid
yihiin,Arrimaha Dibadda,Gaashaandhiga iyo Maaliyadda iyadoo
la soo kordhiyay Wasaarad Cusub oo lagu magacaabay
Wasaaradda Lacagta.
Sida
ay qeexayaan Masuuliyiin farabadan oo ka tirsan Xukuumadda
Ra'iisulwasaare Sharmaarke Isku shaandheynta marka la eego
wax weyn lama kala bedelin iyadoo Xilkii laga qaaday
Wasiirki Warfaafinta Dawladda Somalia waxaana xilkaasi loo
Magacaabay Daahir Maxamuud Geelle oo isagu saxaafadda muddo
ku soo dhexjiray ahaana Mulkiilaha Idaacadda Qur'aanka
Kariimka ah.
Sidoo
kale Wasaaradda cusub ee lacagta waxaa loo magacaabay
Cabdiraxmaan Cumar Cusmaan oo loo yaqaan Inj Yariisow, oo
hadda ah Madaxa Protocolka Madaxtooyada, isla markaana hore
u ahaa Madaxa Xafiiskii Nuur Xasan Xuseen Nuur Cadde.
Waxaana isku shandheynta Golaha wasiiradda DFKMG ah ee
somalia tahay sidatan:-
1- Maxamed Cabdullaahi Oomaar oo ahaa Wasiirka Arrimaha
Dibadda waxaa loo Magacaabay Wasiirka Macdanta iyo Biyaha,
waxaana Booskiisii lagu badalay Cali Axmed Jaamac Jengeli
oo hore u hayn jiray Wasaaradda Gaadiidka waxaase xusid
mudan in Mudane Cali Axmed Jaamac Jengeli uu yahay nin
Ruugcadaa siyaasadeed ah oo xilal ka soo qabtay Dawladi
Dhexe ee Somalia (Wasiirkii Maaliyadda) isagoo sidoo kale
Xubin wasaaradeed ka soo Qabtay Dawladi uu madaxda ka ahaa
C/laahi Yuusuf axmed sida, Boostadda iyo Isgaarsiinta iyo
Arrimaha dibadda waxaana sidoo kale uu ka mid noqday tiro
xubno wasiiro ah oo iska casilay Xukuumaddi Ra'iisulwasaare
Nuur cadde markii uu liicayay Taliskii Madaxweyne Yuusuf
isla markaana u janjeeray dhanka Madaxweyne Yuusuf markii uu
xoogaystay Khilaafki labadda Masuul.
2-
Prof Maxamed Gaandi oo ahaa Wasiirka Gaashaandhiga waxaa loo
magacaabay Wasiirka Gaadiidka, waxaana Booskiisii lagu
badalay Cabdalla Boos Axmed.
www.ceegaag.com
webmaster@ceegaag.com |
