|
Xasan Daahir aways "waa waxba
kama jiraan in dhexdhexaadin laga dhexwado anaga iyo DKMG
ah".
(Muqdisho,
August 23, 2009 Ceegaag Online)
Sheikh xasan
daahir aways oo ah hogaamiye Diimeed qeyb ka ah dagaaladda
iyo colaada ka jirta Koonfurta Somalia ahna Gudomiyaha
Ururka Xizbul Islaam oo ah urur ka soo horjeeda Dawlada uu
majaraha u hayo Madaxweyne Shariif Sh. Axmed ayaa maanta
shir jaraa'id saxaafadda ugu qabtay Magaaladda Caasimadda ah
ee Muqdisho isagoo ka hadlay warar dhawaantan soo ifbaxayay
oo sheegaya in Wadaxaajood laga dhexwado ururka uu hogaamiyo
ee Hizbul Islaam iyo Dawladda KMG ah ee
somalia.
Sheikh Xasan
waxa uu waxba kama jiraan ka soo qaaday warar Dhawaanaha soo
ifbaxayay oo sheegaya inay jiraan dhex-dhexaadin isu soo
dhaweyn ah oo laga dhex wado DKMG ah & Xizbul Islaam taas oo
uu wado Madaxweynihii Dowladii Carta, Dr C/qaasim Salaad
Xasan isagoo sheegay inaanay jirin wax wada hadal ah oo
xilligan iyaga iyo Dowlada u socda , hadalada Saxaafada
qaar baahiseyna ay yihiin kuwo been ah oo ay wadaan dad uu
ku tilmaamey Cadow, sida uu hadalka u dhigey.
Hogaamiye
Diimeedka Xasan daahir aways ayaa yiri "Waad garaneysaan
waagii hore waxaa la dhihi jirey labo qolo weeyaan, qolo
Shariifku hogaamiyo oo Qunyar socod iyo qofo Xasan Daahir
hogaamiyo oo Xag-jir ah, sidaas ayaa la dhihi jirey, saasaa
qoladii sidii loogu xod xodanaaney xagaasaa la mariyay,
hadeerna xod-xodasho kale ayaa jirtoo oo ah Qolada Xizbul
Islaamna waa kuwo Qunyar socod ah kuwa Shabaabkuna waa kuwo
Xag-jir ah, kiiskaas ayaa la rabaa mar labaad in dadka la
kala jabiyo”.
Xasan Daahir
aways ayaa sidoo kale sheegay inay wadayaan dagaalka inta
lagu jiro Bisha barakaysan ee
Ramadan
waxaana uu hoosta ka xariiqay in Bishani Guul ay gaarayaan
mucaaradka Islaamiyinta ah waa sida uu hadalka u dhigaye
isagoo sidoo kale sheegay in Ciidamada AMISOM yihiin
Xilligan Cadowga ugu horeeya ee Umada dul saarey loona
baahan yahey is la iska dul qaado.
Ugu
dambayntii Xasan Daahir aways ayaa ka hadlay xalka ugu
dambeeya ee laga gaari karo Somalia"Ayadoo wadanka Cadow
joogo wax dhisid iyo wax heshiisiin midna ma dhici karto,
cadowgaagu waxa uu u sameyn san yahey kalagee oo xukun,
marka meel cadow joogo maba suura gal ah Umad inay ku
midowdo, inay Musaalaxa ka dhacdana suur gal maaha, in wax
laga dhisana suura gal maaha, marka waa inuu cadowgu ka baxo,
Midda labaad ee lagama maar maarna ah, Umada Dadkii Ahlu
Cilmiga ah, Cilmi Diineed iyo mid duunyaba dadkii Khiyaarta
ah inay isu yimaadaan oo markaas ay dhisaan dariiqii Umadu
qaadi laheyd oo lagu heshiis yahey, tan Saddexaad waxa
weeyaan in markaas ka dib in la qabto Shir Umada lagu
heshiisiinayo oo waliba gudaha lagu qabto”.
www.ceegaag.com
webmaster@ceegaag.com |
