Nin gacan ku dhiigle ah ayaa maalmihii la soo dhaafay si waxashnimo ah ugu dilay bartamaha magaalada Garoowe labo nin oo saarnaa gaari dhexmarayey magaalada, Ciidanka Booliska ee garoowe ayaa waxaa ay ku guulaysteen in ay gacanta ku soo dhigaan gacan ku dhiiglahaa oo isku dayey in uu baxsado.

Waa falkii ugu horeeyey oo qisaas ah ee ka dhaca magaalada Garoowe ilaa iyo intii uu Maamulka Puntland madax-weynanimo la wareegay  Dr.C/raxmaan Faroole, Shacabka Puntland ku dhaqan ayaa aad u soo dhoweeya in la fuliyo xukunada qisaasta ah arinkaas oo jaajin doonto dilalka ku dhisan ay fuliyeen dhalinyarada daroogada iyo qaadku madaxmaray.