Sheekh Aadan
Madoobe iyo Abuu Mansuur oo Xaga Saxaafada Isku Weeraray
(Somalia. March 05, 2009 Ceegaag Online)
Wadaadka aan diinta sida aadka ah
u aqoonin ee afhayeenka u ah urur ka Al-shabaab ee loo
yaqaano Abuu Mansuur ayaa si kulul u qaadacay eedeemo uu
Gudoomiyaha Baarlamaanka Soomaaliya Sheekh Aadan Madoobe ka
sii daayay Idaacada Afka dheer ee BBC da.
| Gudoomiyaha hadaladiisii
waxaa ka mid ahaa oo uu yidhi "Abuu Mansuur Waa nin
Soomaaliyeed, balse hadda waxaa uu u shaqeeyaa dad
shisheeye, si aan ula hadalno ma naqaano, ma awoodno
inaan dad ajanabi ah Baarla-maankeena ku soo darno,
marka uu iska saaro dadkaas waan la hadlaynaa Abuu
Mansuur, waxaa naga dhaxeeya talada dalka" Sheekh
Aadan Maxamed Nuur (Sh Aadan Madoobe) oo ku sugan
Magaalada Nairobi ee Caasimadda Kenyaisaga oo hadalka
sii wata ayaa ku tilmaamay Afhayeenka Ururka Al
Shabaab nin u adeega dad ajanabi ah oo ka kala yimaadeen
waa sida uu yiri Caalamka oo dhan.
Sh Aadan Madoobe ayaa hadalkiisa kusoo gabo gabeeyay
”Abuu Mansuur Waa Staff, Waxaa uu ilaaliyaa Dad Ajanabi
ah, Marka uu Soomaali noqdo” ayaan is hor
fadhiisankarnaa danaha Soomaaliyana kawada hadli karnaa
ee bal horta |
|
| sidoo kale afhayeenka ururka
Alshabaab Sheekh Mukhtaar Roobow Abuu Mansuur ayaa
wareysi uu siiyay TV-ga Al-Jazeera qeybteeda ku hadasha
Afka Carabiga ayaa ku nuuxnuux saday hadafka Al-shabaab
isaga oo yidhi "Hadafkeena waxaa uu yahay inaan Dagaalka
sii wadno, si loo helo dhab ahaanshaha ku dhaqanka
shareecada Islaamka cid walba oo taas ka hortimaadana
waan iska leexinaynaa" Waxaa kale oo uu aad u
beeniyay Hadalka Sheekhmadoobe oo ahaa in aas
aaska Ururka Alshabaab ay ku lug leeyihiin dad shisheeye
ama ajaaniib, isagoona sheegay in Ururka Al-Qaacida ay
aysan ka mid aheyn, balse ay wadaagaan dhanka talooyinka.
Waxaa kale oo uu Abuu Mansuur oo intaa ku daray in
aanay jirin wararka sheegay in ay doonayaan in ay
gaaraan Ilaa Gobolka Alaska ee Mareykanka, sida uu horay
uga dhawaajiyay Sarkaal ka tirsan Alshabaab oo sheegay
in ay dagaalada sii wadayaan ilaa ay ka gaaraan Alaska,
Jasiiradaha Solomon ilaa Japan. |
 |
| Mar la
weydiiyay sababta keentay inay ka horyimaadaan Dowlada
uu hogaaminayo Sheekh Shariif oo horay u ahaa
hogaamiyihii Maxkamadaha Islaamka, ayuu ku jawaabay "Xukuumada
Sheekh Shariif waxay wadataa dastuurkii aan ku diidnay
C/llaahi Yuusuf, mana ahayn sababtii aan C/llaahi ula
dagaalanay inuu ka yimid Puntland, ee waxay ahayd inuu
dastuurka aamisan yahay oo uu diidan yahay Islaamka, ma
taageersanin, waxaana ula dhaqmaynaa sidii aan ula
dhaqanay TFG-da".
Waxa uu hadalkiisii kusoo gabo gabeeyay Abu Mansuur
isga oo yidhi magaca Ururka Alshabaab waxaa aas
aaseen Dad Soomaali, waxaana uu sheegay in Ururka si
buuxda ugu howl galo Gudaha Soomaaliya, isla markaana ay
ku mideysan yihiin dhalinyaro Soomaali ah oo ka go'an in
dalka lagu dhaqo shareecada Islaamka. |
|
Iskusoo duuboo weeraradan xaga Saxaafada ah ayaan ilaa hada
sababin wax dhimasho iyo dhaawaca iyada oo weeraradan
lafilayo inay furaan albabada wada hadalada Dawlada iyo Al-shabaab.
www.ceegaag.com
webmaster@ceegaag.com |
