|
Dhaqdhaqaaqa Islaamiyiinta
Somalia iyo Dilkii Saalax Nabhan.
(Somalia,
September 15, 2009 Ceegaag Online)
Shalay Galab
Ayaa duqayni ka dhacday Deegaan ka tirsan Magaala Xeebeedka
Baraawe ee Gobolka Sh/hoose,Waxaana Duqayntaani Gaystay
Ciidamada Khaaska ee Dowlada Maraykanka oo wata Diyaaradaha
qumaatiga u kaca
iyagoo la beegsaday Gaari uu la socday nin
ay waqti badan raadinayey ,laguna eedeeyey in uu ka
danbeeyey qaraxyo badan oo ka dhacay Geeska Africa sida ay
cadeeyeen Goobjoogayaal iyo Maraykankuba.
Saleh Ali
Saleh Nabhan, wuxuu ka mid yahay 3 nin oo Mareykanku ku
doodayeen inay ka mid yihiin shabakada uu horseedaha u yahay
Osama Bin Ladin ee Al-Qaacida, waxaana lagu tirayaa ragaasi
inay weeraro ka dhan ah danaha Mareykanka ka fuliyeen Geeska
Afrika, gaar ahaan weeraradii xooganaa ee lagu qaaday
sanadkii 1998-kii Safaaradaha Mareykanka ee magaalooyinka
Nairobi iyo Darasalam ee dalalka Kenya iyo Tanzaniya.
Salax Ali
Nabhan, Cabdalla Suudaani iyo Fazul Cabdalla waxaa sidoo
kale lagu tirayaa inay ahaayeen wakiilada shabakada Al-Qaacida
ee Bariga Afrika, ku sugnaanshahooda wadanka Soomaaliya
waxaa Mareykanku uu ku celcelinayey mudo aad u fara badan,
waxaana uu ku doodayey inay ragaasi gabaad ka heleen wax
Mareykanku uu ugu yeeray xubno ka mid ah Islaamiyiinta
Soomaaliya oo shafka u garaacay ragaasi sida ay ku doodayaan
ilaha sirdoonka reer Galbeedka gaar ahaan Mareykanka.
Saalax
Cali Nabhan dhimashadiisu ma ahan mid toos loo cadeyn karo,
ama la isku haleyn karo sugnaanshaha wararkaasi, waayo mudo
sii horeysay ilo wareedka Sirdoonka Mareykanka iyo kuwa
Kenya ee ay gacan saarka leeyihiin waxay ku doodeen in la
dilay ama la qabtey Itfiiminta Geerida Salax Cali Nabhan ma
aha mid lagu xaqiijin Karo Duqayntii Shalay ka dhacday
Gobolka Sh/Hoose ee Koonfurta Somalia waxaana Jira Mugdi
badan oo ku jira Geeridiisa.
Inkastoo
Ninkani la sheegay inuu yahay Madaxa Al-Qaacida ee Geeska
Africa ayaa hadana sarkaal u hadlay gaashaadhiga maraykanku
sheegay " Waanu rumaynahay in uu dhintay Nabhan maydkiisiina
hada anagaa gacanta ku hayna",Marka taasi laga soo tago
Sirdoonka Wadamadda Kenya iyo Maraykanka ayaa sheegay Bishii
May-2007 inay Qabteen Saalax Cali Nabhaani isagoo ka
baxsanayay Ciidamadda Biliiska oo soo weeraray Guri uu ku
jiray Magaaladda Xeebta ah ee Mombasa,Si qoto dheer marka
loo Eego sheegashadaasi waxay ahayd isagoo Badbaaday waxaana
uu la cararay Computer Laptop ah oo uu sitay kaasi oo la
aaminsanyahay inay ugu Kaydsanayeen Macluumad badan oo
Khuseeya Islaamiyiinta Al-Qaacida ee Geeska Africa.
Maraykanka oo Sheegtay Dilka Nabhani:-
Tvga ABC
News ayaa Maanta shaaciyay in Maraykanku Gaystay Duqayntii
Shalay ka dhacday Koonfurta Somalia iyagoo soo xiganaya
Sarkaal ka tirsan Waaxda Gaashaandhiga Maraykanka ,TV-ga ABC
News ayaa intaas ku daray in ninka ay Ciidamada Kumaandoosta
Mareykanka dileen uu yahay Saleh Ali Nabhan oo Kenya u
dhashay.
Dhanka
kale Ilo wareedyo kale ayaa u sheegay TV-ga ABC News in
Diyaarad Helicopter ah oo uu Mareykanka leeyahay ay
rasaaseysay kolonyo gaadiid ah oo waday dad la tuhunsan
yahay in ay Al-Qaacidda ka tirsan yihiin. Sarkaal Mareykan
ah ayaa sheegay in Markab dagaal oo uu Mareykanka leeyahay
oo u dhawaa halka howlgalka ka dhacay uu xaaladda si hoose
ula socday, isla markaana uu bixinayay wixii caawimaad
howlgal ah ee looga baahdo Hawlgalkan la sheegay in Shalay
lagu Najaxay.
Muxuu
ahaa Saalax cali Nabhaan?.
Saalax
wuxuu ku dhashay magaalada Mombasa ee wadanka Kenya, wuxuu
dhashay 4-tii bishii April sanadkii 1979-kii,waxaana
waxbarashada qur’aanka iyo tan kale ee caadiga ah ku soo
qaatey magaalada Mombasa.
Wuxuu
guursadey haween lagu magacaabo Fatuma, waxaana nolol
wanaagsan uu kula noolaa Fatuma qoyskiisa ,Dadka yaqaan
Saalax waxay sheegeen in uu ahaa nin afgaaban, waxaana
yaraantiisii uu jeclaa in uu dhageysto wacdiyada ka socda
Masaajidyada magaalada Mombasa, isagoo sidoo kale mar kasta
ka hadli jiray jacaylka iyo himada uu u hayo jihaadka.
Saalax
waxaa la sheegay in sanadihii sagaashameeyadii ay ku biday
laydha Islaamiyiinta mayalka adag, waxaana uu ku xirnaa
kooxo si qarsoodi ah u kulmi jirey oo had iyo goor ka hadli
jirey dagaalka iyo foolxumada Mareykanka iyo saaxiibadiis ku
hayaan dadka Islaamka ah.
Kenya
iyo Maraykanka:-
Sida lagu
daabacay boga Internet-ka ee ciidamada Booliiska wadanka
Kenya wuxuu Saalax adeegsan jirey da’a, magacyo iyo muuqaalo
kala duwan, waxaa xitaa jirtey in loo haysto in uu dhashay
sanadkii 1968-dii, wuxuu adeegsan jirey magacyo kala duwan
oo ay ka mid yihiin Swaleh Ali Swaleh Nabhan, Saleh Nabhan,
Saleh Ali Nabhan, Swaleh Ali Nabhan, Swaleh Nabhan, Ali
Swaleh, Ali Saleh, Ali Nabhan, Said Hassan Hajj.
Sidoo kale
Pageka Internet-ka ee laanta sirdoonka Mareykanka ee FPI-da
waxaa ku jirta baafin lagu doonayo in lagu soo qabto Saalax
Cali Nabhan ama lagu soo gudbiyo xogta ku aadan ninkaasi,
iyadoo web site-ka FBI-da ay ka muuqdaan sawirada 3 nooc oo
lagu sheegay in uu Saalax adeegsado qaab ahaan, waxana da’da
FBI-da u diiwan gashan ay tahay in uu dhashay sanadkii
1974-tii.
Dawladaha
Kenya iyo Maraykanka iyaa si aada u raadin jiray Helitaanka
Salah Nabhaani iyadoo uu jiray Dabagal balaaran oo ay wadeen
Laamaha Sirdoonka Kenya iyo Maraykanka oo ku aadanaa Soo
qabashadda Ninkani Islaamiga ah ee Mayalka adag.
Islaamiyiinta iyo Somalia:-
Maraykanka
iyo Dawladaha kale ee reer Galbeedka ayaa shaki wayn ka qaba
Xaalada Somalia marka la eego Habdhaqanka Kooxaha Islaamiga
Asal raaca ah ee sii kobcaya taasi oo uu Maraykanku u
barbardhigay Saadaal kala Duwan,Tusaale: Markii
maraykanku sheegay sanadkii 2007 inuu Nabhaan qabtay ayaa uu
Cajalad Muuqaal ah ku faafiyay Boga Internetka Ninkani
isagoo sheegaya inuu Joogo Somalia.Nabhani Cajaladiisa
Muuqaalka ah ee uu ku muujinayay Joogitaankiisa Soamlia
wuxuu ugu Baaqay Wadamadda kale ee Islaamka ah inay ka
qaybgalaan Jihaadka Somalia.
Dawladihi
Somalia laga soo dhisay Intii Burburka ahayd ayaa ku
Andacoonaya inay Somalia farakulul ku hayaan Kooxaha Al-Qaacida
oo Martigelin ka helaya Ururka Al-Shabaab taasi oo Xoojisay
Dareenka Dawladaha Shakiga ka Qaba Argagixisada
,Somalia waxaa lagu Dilay Dad cadaan ah intii ay socdeen
Dagaaladda u dhexeeyay Dawladda KMG ah ee somalia iyo
Xoogaga Mayalka adag ee Isbahaysiga Daladeed ku
midoobay(Al-Shabaab iyo Hizbul Islaam).
Ururadda
Al-Shabaab iyo Hizbul Islaam ayaa ka soo horjeeda Dawladda
KMG ah ee somalia iyagoo ku baaqay inta Lagu jiro Bisha
Barakaysan ee Ramadaanka Jihaad ka dhan ah Waxay ugu yeereen
Murtadiinta iyo Gaaladda taasi oo Marka si saxa loo
cuskanayo Diinta Islaamka ah Sharci Jihaadka ku banaan,Hase
yeeshe Ma Jihaad xaqa Bay wadaan Islaamiyiinta Somalia?.
Aasaaska
iyo Unkamida Islaamiyiinta Somalia waxay si weyn u dhalatay
Dabayaaqadi Sanadkii 2005 wakhtigaasi oo ku beegnayd markii
Maraykanku Dagaal oogayaasha Somalia(Qabqablayaal) kula
heshiiyay inay Cagta Mariyaan Xarun Islaami ah oo ku taala
Koonfurta Muqdisho halkaasi oo ay Ka talinayen Wadaado uu
ugu horeeyo Sheikh Xasan Daahir Aways.Taasi waxay
Salbalaarisay Kacdoon Islaami ah oo La wareega Magaaladda
Muqdisho Bilawgii Bishii June Sanadkii 2006 Markaasi oo ay
ka takhaluseen Qabqablayaashi Dagaalki Somalia waxayna la
soo bexeen Magaca Maxaakimta Islaamiga ah.
Si kastoy
ahaataba Islaamiyinta Somalia waxaa Buunbuuniyay Ayaan Dhihi
karnaa Weeraradda Maraykanka iyo Gacansaarki uu la yeeshay
Qabqablayaashi Somalia taasi oo maanta ka dhigtay Al-Shabaab
Awood buuxda oo ka muuqata Somalia,Waxayna ka taliyaan Badi
Bartamaha iyo Koonfurta Somalia somalia,Halka Dawladda
Taagta daran ee Reer Galbeedku Taageero wali la daala
Dhacayso Ciribtirka Islaamiyinta Somalia(Alshabaab iyo
Hizbul Islaam) ,Hadaba Somalia ma waxay Bedelaysaa
Ciraaq iyo Afghanistaan ileen kama Faaruqno Sacabtun iyo
Gacan saar Shisheeye?.
Abdirashid
Mohamed Dahir- Ceegaag Online
webmaster@ceegaag.com |
