|
Degmadda Xaafuun oo Laga
Bilaabay Dhisme Wado dhererkoodu Gaarayo 54KM+Sawiro.
(Xeebta Xaafuun,
September 25, 2009 Ceegaag Online)
 
Degmadda Xaafuun waxay Dhanka Bariga
ka xigtaa Magaaladda Qardho 320KM oo ku teedsan Xeebta
Bariga Fog ee Indian Ocean,Degmadaasi waxay ku taala Dhul
aad u fog hadana waa masaafo aad u badan iyadoo ay
Degmadadaasi tahay Jaziirad ay
Biyo ku teedsanyihiin waxaana Labadda dhinac kaga
Wareegsan Badweynta Hindiya,Dec-2004tii Waxaa ka dhacay
Degmadda Xaafuun Badgariirki Tsunami oo Burburiyay Guryihii
iyo Xarumihi kale ee asaasiga ahaa ee ku yaalay Degmadda
Xaafuun balse Dib ayaa loo dhisay Magaaladi waxaana La
saaray Goob taaga oo ka soo saraysa Biyaha Badweynt Hindiya..
Waxaa adkayd in lagaaro Degmadda
Xaafuun ee Bariga fog ee Somalia iyadoo loo socon jiray 6
beri Markii la isticmaalayo Gaadiidka Caadiga iyadoo loo
aaneynayay Burburka Haysta Wadada loo aado Degmadda Xaafuun
ee Bariga fog ee Somalia,Odayaasha iyo Dadka Deegaanka oo
Iskaashanaya ayaa 3 Todobaad ka hor Bilaabay Dhismaha Wado
Dherarkeedu gaarayo 54 KM oo ku soo eg Deegaanadda Hoos
yimaada Degmadda Beyla oo 100KM ka soo xigta Xaafun Dhanka
Magaaladda Qardho.
Gudoomiyaha Degmadda Xaafuun Maxamed
Yuusuf Garow
(Booliwade) ayaa Shabakadda Ceegaag Online uga Waramay
Dhismaha Wadada iyo sida ay hawshu u socoto "Runtii wadadaan
waxaa Dhisaya Dadka Deegaanka oo isu xilqaamay inay iyagu
wax qabsadaan intii ay Dad ka sugi lahaayen inay wax u
qabtaan,Odayaasha,Maamulka Degmadda Xaafuun iyo
Dhalinyaradda ayaa leh doorka ugu wayn hadana sida Muuqata
waa "Hawl kama Daale wali waa hogadii" Marka Wadadaan
hadda waxaan dhismay Qiyaasti 10KM inta noo dhimana waxaan
ku dadaalaynaa inay noo hagaagto,Waxaan Balanqaad ka helnay
Hay'adda WFP iyadana waxba kama hayno wali" ayaa uu yiri
Gudoomiyaha Degmadda Xaafuun Maxamed Booliwade oo u
waramayay Shabakadan.
Si kastaba ha ahaate Haddi lagu
guuleysto Dhismaha Wadadaan waxay Guul u tahay Shacabka reer
Xaafuun oo isu xilqaamay Wax ka qabashada Deegaankooda
waxayna sidoo kale tani meesha ka saaraysa Dhibaatadi ay
Gaadiidleydu ku qabeen u safrida Degmadda Xaafuun ee Bariga
fog ee Somalia.
Daawo Sawirada
   
Abdirashid Mohamed-Ceegaag
Online
webmaster@ceegaag.com |
