|
C/samad Cali shire oo shir
ja’raaid ku qabtay Boosaaso ayaa ku eedeeyay ururka Alshabaab dilalka
qorsheysan ee Boosaaso ka dhacay.
(Boosaaso
Feb 18, 2010 Ceegaag Online)
Magaalada
Boosaaso waxaa habeenimadii xalayto ka dhacay dilal
Qorshaysan oo gabi ahaanba lagu weeraray Qaarkamid ah
masuuliyiin katirsan dawlada puntland iyo Qaarkmaid ah
shacabka magaaladaasi kunool, iyadoo sidoo kale fashilmay
weerar la doonayey in lagu khaarajiyo mid kamid ah culumada
ugu magac dheer deegaanada puntland waxaana weerarkaasi ku
geeriyooday mid kamid ah eheladii Shiikh axmed daahir.
Magaalada
boosaaso waxaa kaloo habeenimadii xalayto lagu dilay ugu
yaraan 3 kamid ah shacabka magaladaasi boosaaso kunool oo
lagu dilay bartaha magaaladaasi kadib markii madax loo soo
duubtay madaxna lagala dhacay Boostoolado waxba weerarkaasi
canbaareeyey shacabka magaalada boosaaso maadaama lagu
weeraray isku biil oo kaliya oo ragani ka soo jeedeen.
Dhinaca kale
madaxweyne ku xigeenka Puntland Gen C/samad Cali Shire waxaa
uu kaga warbixiyay xaaladda Puntland siiba xaaladaha Amaan
iyo dilalkii ka dhacay Magaalada Boosaaso iyo deegaano ka
tirsan Puntland.
Madaxweyne ku
xigeenku waxaa uu sheegay dilalkaasi lala eeganayo
masuuliyiinta dowlada iyo shacabkaba in ay ka dambeeyaan
kooxo uu ugu yeeray Argagixiso, waxaana suaalaad laga
weydiiyay arimahaasi uu ku qeexay in ay dilalka iyo
qalaalaasaha taaganba ay ka dambeeyaan kooxaha Xarakada
Shabaab Almujaahidiin ee ka dagaalanta gobolada koonfureed,
C/samad Cali
Shire waxaa kale oo uu shirkiisa Jaraaid ku sheegay in
dabagal lagu sameyndoono Dadka ka dambeeyay falalkii ka
dhacay Boosaaso kuwaas oo uu sheegay in la soo qaban doono
islamarkaana markii la soo qabto lagu qaadidoono shaciga,
isagoo ka dalbaday Dadweynaha in ay Gacanbuuxda ku siiyaan
ciidamada Amaanka uguna baaqay isku tiirsanaan shacabka.
Waa markii
ugu horeysay oo ay dowlada Puntland falalka dilalka ah ee ka
dhaca Puntland ay si toos ah ugu eedeyso Xarakada Shabaab
Almujaahidiin iyadoo intaasi raacisay in dadkaasi ay gacanta
ku soo dhigeyso.
www.ceegaag.com
webmaster@ceegaag.com |
