|
Shil gaadhi oo sababay
dhimasho tiro badan iyo dhaawac oo saaka duleedka Boosaaso
ka dhacay
(Boosaaso,
April 03,
2010 Ceegaag Online)
Duleedka Magaalada
boosaaso ee xarunta gobolkaasi bari wax saaka subaxnimadii
hore ka dhacay shil gaadhi oo sababay dhimasho iyo dhaawac
tiro badan kadib markii gaadhi xamuul ahi ku rogmaday
duleedka kaantaroolka magaalada boosaaso isagoo soo galiya
magaalada wadayna Xoolo nool oo ka soo Qaatay gobolada dhexe
ee somalia.
Shilkaasi Gaadhi aya saaka waxaa ku dhintay ugu yaraan 3
ruux waxna kaloo ku dhaawacmay tiro kale oo intaasi ka badan
sida laga helayo laamaha caafimaadka magaalada boosaaso oo
dadkii shilkaasi gaadhi ku dhintay iyo kuwii ku dhaawacmayba
la dhigay.
Saraakiisha laamaha taraafikada magaalada boosaaso ayaa
warbaahinta maanta u sheegay in shilkaasi gaadhi uu yimid
kadib markii Wadaha gaadhigu uu kala baxay Wadada isagoo soo
maray taraag dheer kuna soo wajahnaa magaaada boosaaso,
dhinaca kale wax dadkii shilkaasi gaadhi maanta ku dhintay
loo sameeyey gurmay balaadhan oo lagu aasay Qabuuraha
magaalada boosaaso.
Cali dhagjar
Ceegaag.com
Laascaanood
www.ceegaag.com
webmaster@ceegaag.com |
