Ciyaarihii Gobolada Somalia oo Garoowe ku soo Xidhmay iyo
Banaadir oo koobkii Qaaday(Daawo sawirada )
Garoonka Mire Awaare ee Magaalada Garoowe ayaa galabta Waxa
ka dhacday Ciyaartii ugu danbaysay Ciyaaraha Gobolada Dalka
Somalia oo Dhexmaraysay Gobolada Bari iyo Banaadi oo iyagu u
soo baxay Finalka ciyaraaha Gobolada Dalka Somalia ee ka
socday Magaalada Garoowe ee Xarunta Caasimada Dawlada
Puntland Labadii todobaad ee ugu danbeeyey.
Ciyaarta o ku Bilaabatay Jawi Dagan Waxaa Qaybtii Hore ee
Ciyaarta Gool La Yimid xulka Banaadir Kaasi oo CIyaarta KU
Dhmaatay Iyadoona Gobolka Bari Uu Isku Dayay in uu Iska Soo
Gudo Goolkaasi Hadana uma suuroobin Waxana Markii Ciyaartu
soo Xidhantay Sawaxan xoogan ka Muujiyey taageerayaasha
Gobolka Banaadir ee Caasimada Wadanka Somalia, halka
taageerayaasha Xulka Gobolka Barina Waji Hadooda ka Muuqatay
Cadho Xoogan iyo Murugo.
Ugu danbayntiina Waxaa koobkii Ciyaaraha Gobolada Dalka
Somalia la Gudoonsiiyey Xulkii ka socday dhinaca Gobolada
Banaadir oo uu Gudoonsiiyey Kabtanka kooxdaasi Banaadi
Madaxwaynaha Dawlada Puntland oo hanbaliyo u diray kooxda
Gobolada Banaadir Ciyaarta ay Maanta ku soo bandhigeen,
Madaxwayne Faroole ayaana sheegay inay shacabka Puntland iyo
kan soomaaliyeedba Guul u tahay in gobolka Banaadi koobka
ciyaaraha gobolada somalia ku guulaysto sababtoo ah ayuu
yidhi Madaxwayne Puntland Waxaan rabnaa inay guriyoodii ku
Noqdaan iyagoo Koobka Wata kana shaqeeyaan Amaanka Somalia
iyo is dhex galka.
Amaanka Garoonka ayaana galabta ayaad loo adkeeyey Waxaana
goob kasta la dhigay oo kamid ah Wadooyinka soo gala
garoonka Ciidamo dheerad ah oo Kaalin xoogan ka Qaatay
sugida amaanka Garoonka, Waxana kaloo Kur loo Qaatay bilicda
garoonka iyo tan Magaalada Garoowe oo koobku uu ka socday.
