|
Baaq ku wajahan Jaaliyada
Soomaaliyeed ee Holland
(Amsterdam, June
06,
2010 Ceegaag Online)
Maadaama ay doorasha golaha baarlammaanka ee waddankan
Netherlands ay dhacayso maalinta arbacada ah ee soo socota
ahna 09-06-2010, ayaa waxa uu ururka Midnimo soo marti
qaaday 04-06-2010, xubno ka tirsan xisbiga shaqaalaha (PVDA)
oo isugu jira heer baarlammaan iyo heer degmoba, xubnahaas
oo uu hoggaaminaaye mudane Jeroen Dijsselbloem oo ah mudane
ka tirsan baarlammaanka, doorashadanna liiska musharraxiinta
xisbiga shaqaalaha (PVDA) kaga jira lambar 5, Halkaas oo
xubnaha xisbigani kulan qaateen xarunta ururka Midnimo ee
Delft xubno ka tirsan jaaliyadda Soomaaliyed ee ku nool
Netherlands, kulankaas waxaa goobjoog ahaa Guddiga fulinta
ee Midnimo iyo Xubno ka tirsan golaha maamulka ee midowga
ururada Soomaaliyeed ee Netherlands (FSAN) Wada hadalkaas
oo ku dhacay jawi fiican waxa uu ku dhammaaday is afgarad ,
halkaas oo xubnaha Soomaalidu si fiican ugu qanceen
jawaabihii uu Jeroen ka bixiyey su,aalihii laga waydiiyey
oo u badnaa siyaasada xisbiga ee ku wajahan :
1. Qaabilaadda qaxootiga Soomaalida
2. La dagaallanka budhcad badeeda iyo weliba sun ku
shubidda xeebaha Soomaaliya
3. Khatarta ka imaan karta xisbiga xagjirka ah ee ka
horjeeda muslimiinta ku nool Holland
Waxaa
xusid mudan in Jeroen uu yahay nin xidhiidh fiican la leh
ururada Soomaalida,sida ururka Midnimo ee magaalada Delft,
iyo weliba isi wayn u gacan qabta dallada ururada
Soomaaliyeed FSAN, uuna ku dadaalo mar kastaba in uu wax ka
qabto xallinta dhibaatooyinka haysta Soomaalida dalkan ku
nool. Jeroen waxa uu ku gacan wayn ka gaystay hawlaha
dallada FSAN ay ku mashquulsan tahay si loogu adeego
jaaliyadda Soomaaliyeed ee dalkan ku nool.
Jeroen Dijsselbloem waxa uu ka codsaday jaaliyadda
Soomaaliyeed ee Holland in ay codkooda siiyaan maadaama uu
yahay qof Soomaalida gacan siiya, Soomaaliduna ay aad u
aamminsantahay, isla markaana waxa uu Soomaalida ka codsaday
in ay maanta kala saaraan saaraan cadowgooda iyo
saaxiibkooda.
Haddaba Ururka Soomaaliyeed ee Midnimo waxa uu ka codsanayaa
dhammaan jaaliyadda Soomaaliyeed ee Holland in ay si buuxda
uga qaybgalaan doorashada dhacaysa 9-ka bisha ee ah maalinta
arbacada ah, ayna u wada codeeyaan mudane Jeroen
Dijsselbloem oo liiska xisbiga shaqaalaha kaga jira lambar
5.
Sidan oo kale ayuu maamulka dallada FSAN ugu baaqay jaaliyadda
in ay codkooda siiyaan mudane Jeroen Dijsselbloem.
Maanta waa maalintii la dareemi lahaa in aynu nahay dad wax
lala qaybsan karo. Innagana sharaf ayey inoo wada tahay in
aynu codkeenna muujinno.
Daawo Sawirada
  
Waad mahadsantihiin,
Maxamed Mahdi Caydiid
Guddoomiyaha ururka Midnimo
Ex- xiriiriyaha guud ee FSAN
Telefoon: 015-25 700 48
Mobile; 06-265 39 335 / 06-815 915 24
midnimodelft60@hotmail.com
M_aidid86@hotmail.com
webmaster@ceegaag.com |
