|
War deg
deg ah Dawlada itoobiya oo galabta ku wareejisay Maamulka
Puntland Gaadiidkii iyo hantidii shacabka Buuhoodle lagu ka
xaystay kadib dagaalkii Buuhoodle
(Jigjiga,
June 30,
2010 Ceegaag Online)
Waraysi wasiirka
kalluumaysiga ee Puntland Max'ed Farax Faruur Dhagayso
Wararka hada naga soo
gaadhay magaalada Jig jiga ee Caasimada dawlad deegaanka
soomaalida ayaa ku soo waramaya in galabta goor gaaban
Xaflada balaadhan oo ka dhacday magaalada jig jiga lagu
wareejiyey Madaxwayne kuxigeenka puntland Gaadiidkii
lacagtii, hantidii shacabka buuhoodle dhawaan Ciidamada
itoobiya ka ka xaysteen magaalada buuhoodle kadib dagaal ka
dhacay gudaha magaalada buuhoodle 21 Bishii may.
Masuuliyiinta dawlada itoobiya ayaa Maanta si rasmi ah
Waftigaasi ka socday Dhinaca puntland ugu wareejiyey dhamaan
hantidii shacabka buuhoodle oo haatan gacantoodu ku jirto
Madaxwayne kuxigeenka puntland kadib wadahalo uga socday
magaalada jig jiga labada Maamul ayaa maanta lagu guulaystay
in hantidii shacabka buuhoodle dib loo helo.
Wareejinta Gaadiidkaasi iyo hantidaasi kadib ayaa shabakada
Wararka Ceegaag.com taleefoonka magaalada jig jig kula
Xidhiidhay Wasiirka kalluumaysiga iyo khayraadka bada
puntland oo isagu goob joog ahaa goobtii Xafladaasi maanta
lagu kala wareejinayey gaadiidku ka dhacaysay, Ceegaag.com
ayuuna Wasiirku faah faahin ka siiyey Qaabkii hantidaasi
maanta ula wareegeen, inkastoo taleefoonku uu go,ay kadib
Cilid xaga Hawada ah.
Talaabadan uu Maamulka puntland Qaaday ayaa Waxaa soo
dhaweeyey dhamaan Qaybaha kala duwan ee bulshada buuhoodle
oo ku tilmaamay talaabo guul ah oo Maamulka puntland uu
Maanta ku talaabsaday Waxna lagu Wadaa in maalinta barito
magaalada buuhoodle shir isugu yimaadan waxgaradka buuhoodle
oo lagu taageerayo talaabadaasi uu maamulka puntland
gaadiidkaasi iyo hantida shacabka dib ugu soo Celiyey.
wararkaasi oo faah faahsan iyo waraysiyadaba kala
soco saacadaha danbe shabakada wararka Ceegaag.com oo diyaar
idiin la ah soo gudbinta warar tayeysan oo deg deg ah.
Cali dhagjar
Ceegaag.com
webmaster@ceegaag.com |
