Xaaji
Soomaaliyeed oo mudo dheer Maqalka ka Xirnaa oo Dib
Maqalkii u heley.
Iraaddada ilaahey ayay ku dhacday in Xaaji
Cali Cabdiraxmaan Shariif oo 42 jir ah uu dib u helo
maqalkii iyo hadalkii markii uu yimid Xaramka barakeysan ee
Makka si uu u guto waajibka Xajka.
Waa mid ka mid ah awoodda uu ilaahey u leeyahay in wixii uu
doonaahi ay dhaqso u ahaadaan.
Arrintan ayaa dhacday ka dib markii Xaaji Cali Cabdiraxmaan
Shariif uu soo dawaafay uuna cabay biyaha barakeysan ee
ZamZam.
Xaaji Cali oo wareysi siiyay wargeyska Alwadhan ee ka soo
baxa dalka Sacuudiga ayaa sheegay in uu Maqalka iy Hadalkaba
waayay, 20 sano ka hor markii uu ku soo dhacay hoobiye,
isagoo xilligaas ku shaqeynayay Xisaabiyenimo.
Waxa uu Xaaji Cali tilmaamay in wixii waqtigaas ka dambeeyay
uu gabay hadalka iyo maqalka codka dadka kale.
Qoyska Cali waxay ay u guureen Britain si ay ugu noolaadaan
looguna daweeyo, waxaana loo geeyay dhaqaatiir badan oo
baaritaanno ku sameeyay, laakiin way ku fashilmeen in ay
daawo ku habboon u helaan, luqada tilmaanta ayaana noqotay
habka kaliya ee uu dadka kula macaamilo.
Xaaji Cali waxa uu goostay in isaga iyo xaaskiisu ku
noolaadaan Britain , waxa uuna dhalay 4 carruur ah ( Labo
wiil iyo Labo gabdhood).
Waxaa la siiyay aqoonsi muujinaya in uu Dhagool yahay isla
markaana uusan hadli Karin.
Xaaji Cali Shariif waxa uu wargeyska Alwatan u sheegay in
markii uu Dawaafkii iyo Orodkiiba soo dhammeystay uu galay
mid ka mid ah musqulaha ku yaalla barxadaha koofureed ee
Xaramka , markii uu ka soo baxayna uu maqlay Codka Mu�dinka
oo Salaad Subax aadaamaya , isagoo isla markiina u dhaqsaday
in uu dadkii ay wada socdeen gaarsiiyo in uu wax maqlayo,
taas oo dhammaantood la yaab ku noqotay.
Guddoomiyaha Xujeyda Soomaaliyeed ee ka timid Britain
Cabdisamad Maxamed ayaa sheegay in ay la yaab ku noqotay
Xaaji Cali Shariif oo hadlaya ka dib sanado badan oo uu
dhagool iyo aflaawe ahaa.
Cabdisamad waxa uu tilmaamay in intii ay ku soo jireen
safarkii Britain ilaa Jeddah, Shariif uu qorayay waxa uu
rabo ka dibna uu isagu u gudbiyay shaqaalaha diyaaradda ka
adeega , waxa uu sheegay in ay rumeysan waayeen in Cali
maqalkii iyo hadalkiiba dib u helay, ayna marar badan ka
codsadeen in uu hadlo.
Ka dib waxaa Cali Shariif la geeyay Isbitaalka xaaladaha deg
degga ah ee Ajyaad oo xaramka ku yaalla, markii ay
dhaqaatiirtu baaritaan ku sameeyeenna waxay ogaadeen in
maqalkiisa iyo hadalkiisuba bad qabaan.
Dr.Maxamed Gazali oo ka tirsan Isbitaalka Boqor Faysal ee
magaalada Maka talooyinna ka bixiya cudurrada ku dhaca
Sanka,Dhegaha iyo Dhuunta ayaa sheegay in maqalka iyo
hadalkuba ay u suurto gal tahay in ay u soo noqdaan qofka 6
bilood ka dib , laakiin ay jiraan xaalado dhif ah oo dad
maqalkii iyo hadalkiiba dib u heleen ilaahey awooddiisa,
tanina waxay ka mid tahay xaaladaha naadirka ah ayuu yiri
Dr. Muxammed Gazali oo sheegay in uu isagu usoo joogay qof
indhaha la�a oo aan waxba arki Karin isagoon Ookiyaalo wadan
, laakiin markii uu xajiyay uuna cabay biyaha ZamZam, waxa
uu dib u helay araggiisa oo dhammeys tiran umana baahan in
uu Ookiyaalo xirto.
Kacbada waxay ka mid tahay meelaha ay ugu wanaagsan tahay
ducada, maadaama qofka uu joogo betyka Alle ahna meesha
adduunka ugu barakada badan sidaasi awgeed walaalaha Alle
fursada u siiyey inay Kacbadiisa tagaan ha bdiyeen Alle
baryidiisa iyo inay wax fiican weydiistaan.
Haddaba Illaahay SWT awoodiisa way weyn tahay ee walaalayaal
dhaxcdadan ha inoo ahaato waano qaadasho iyio wax faham.
Waxaana walaakaasi Soomaaliyeed Alle uga baryeynaa inuu
maqalkiisa u siyaadiyo caafimaad buuxana siiyo, kana dhigo
adoon Alle ku xiran.
Xigasho: Somalimirror.com
