|
Dagaalkii Cagaare oo istaagay iyo khasaarihii ka dhashay
dagaalkaasi Wararkii ugu dabeeyey
(Cagaare,
September 30,
2010 Ceegaag Online)
Wararka naga soo gaadhay
deegaanka Cagaare oo Maalintii shalayto ahayd dagaal
Xoogan oo sababay Dhimasho iyo dhaawac ku Dhexemaray Labo
Beeleed oo ka soo kala Jeeda gobolka Mudug iyo Sool ayaa
lagu soo Waramayaa Maanta in dagaalkaasi istaagay, Waxaana
kaloo halkaasi ka jira Hub aruursi Xoogan oo ay Wadaan
dhinacyadii dagaalamay Maalintii shalayto.
Dagaalka dhexmaray labadan
sahan waxaa ka horeeyey Dil Toogasho ah oo dhawaan lagu
dilay isla deegaanadaas Oday aad u da’weyn oo kasoo jeeday
dhanka magaalada Burtinle, Waxaana todobaadyadii ka
horeeyeyna halkaas ka dhacay dhowr weerar oo ay ka
yimaadeen Dhaawacyo kaladuwan balse aysan cidna ku dhiman.
Inkastoo dagaalkii shalay lagu
Dilay ugu yaraan afar Ruuxioo kasoo jeeda Beesha gobolka
Sool kadib markii ay afka uga galeen Maleeshiyaad ka soo
Jeeda gobolka Mudug oo iyagu Diyaar u ahaa, dagaalkaasi
kadin Waxaa Magaalooyinka Gaaalkayo Garowe Buuhoodle,
Laascaanood iyo Degmada Boocame ka Bilaabay olole Xoogan
oo loogu jiro sidii dagaalkaasi loo Joojin lahaa.
Isimada Labada Dhinaca ayaana
Maanta Talefoono ku Wada Xidhiidhay sida Ceegaag.com Caawa
u sheegeen Qaarkamid ah Isimada SSC oo iyagu haatan
Buuhoodle ku sugan Waxana Lagu Wadaa in Maalmaha soo socda
Isimada labada garab iska arkaan Colaadan Ragaatay ee
Labada beeleed oo Walaalaha ee isku haya Dhul daaqsimeed
Halkaasi ku yaala.
Ali dhagjar
Ceegaag.com
Buuhoodle
webmaster@ceegaag.com |
