|
Gudoomiyaha Jaamacada Nugaal oo la Kulmay Isimada G/Cayn,
Maamulka Dugsiga sare ee Hawd, Waalidiinta iyo Culumada
Buuhoodle.
(Buuhoodle,
September 12,
2010 Ceegaag Online)
Prof. C/risaaq Maxamed
Aaden Lafoole
 Dhageyso
Sheekh Mukhtaar
Dhageyso
Garaad Saleebaan Buraale
Aaden
Dhageyso
Suldaan Siciid Cismaan
Cali
Dhageyso
Magaalada
Buuhodle Waxa Maanta ka dhacay kulan balaadhan oo lagu soo
dhawaynayey Gudoomiyaha Jaamaca Nugaal Profaysar C/risaaq
Maxamed Aadan (Lafoole) oo isagu soo gaadhay magaalada
Buuhoodle si uu kulan ula Qaato Maamulka iyo ardayda Dugsiga
Hawd secantray Iskuul ee magaalada buuhoodle oo iyagu
dhawaan ardaydii Dugsigaasi imtixaanaadkii laga Keenay
dhinaca Maamulka puntland ku Guulaysteen isla markaana
kaalimo muhiin ah ka galeen imtixaanaadkaasi sanadkan.
Waxana
kulankaasi ka soo Qayb galay Isimada Cuqaasha ganacsatada,
iyo Maamulka Dugsiga sare ee Hawd secantaray school oo iyagu
halkaasi aad ugu soo dhaweeyey gudoomiyaha Jaamacada Nugaal
Isimada iyo Waxgaradka Buuhoodle aad u soo dhaweeyeen
safarkiisa Buuhoodle iyo imaanshiiyihiisa Xiligan deegaanka
Buuhoodle iyo u guur galida Xaalada Waxbarashada ee
buuhoodle, Waxana Halkaasi ka hadlay Maamulka Dugsiga sare
ee Hawd secentry School oo sheegay inuu Iskuulku gaadhay
Guul la taaban karo Muaddii yarad ee uu furnaa oo ardaydii
ugu horaysan ee ka baxdaa gabi ahaanba ku guulaysteen
imtixaankii laga Qaaday.
Muhiimada
safarka Gudoomiyaha Jaamacada Nugaal Prof. C/risaaq Maxamed
Aadan ayaa ku saab sanaa sidii uu dhiiri galin u siin lahaa
Ardaydii dhawaan ka baxday Dugsiga sare ee Hawd secantry
school ee Buuhoodle oo iyagu Imtixaanaadkii sanadkan gabi
ahaantooda ku baasay, isla markaana la doonayo in loo
gudbiyo Heer Jamaacadeed, iyagoona ardaydaasi Qaarkood Helay
Deeqo Waxbarasho oo Wadanka dibadiisa ah.
Gudoomiyaha
Jaamacada Nugaal ayaana Waalidiinta Isimada Cuqaasha, iyo
Maamulka Dugsiga sare ee Hawd Buuhoodle kala taliyey inaanay
ku degdegin Jaamacadaha kuyaala Wadanka dibadiisa oo uu
Gudoomiyaha Jaamacada nugaal sheegay in loo baahan yahay in
afarta sano ee hore ay jaamacadaha Wadanka ka faaiidaystaan,
Waxana uuna sheegay inay Jaamacada Nugaal soo dhawaynayso
ardaydaasi isla markaana heli doonaa Waxbarasho tayeysan.
Kulankaasi
ayaana Waxaa khudbado ka soo Jeediyey Garaad Saleebaan
Buraale Aadan, Suldaan Siciid Cismaan Cali, Waalidiinta iyo
Cuqaasha Buuhoodle oo iyagu aad u soo dhaweeyey talada iyo
Xog Waranka uu siiyey gudoomiyaha Jaamaca Nugaal oo sheegay
inuu garan istaagayo gabi ahaanba Waxbarashada deegaanka
Buuhoodle loona baahan yahay dhiiri galin la siiyo ardayda
Dugsiga sare Hawd secondary school.
  
Cali dhagjar
Buuhoodle
webmaster@ceegaag.com |
