|
Isimo
Cuqaal iyo Maamulka gobolka Cayn oo Maanta Booqday Goobta
laga Qodayo Ceelka Biyaha oo laga gaadhay biyihii
(Buuhoodle,
September 20,
2010 Ceegaag Online)
Iyadoo Dhawaan Shirkada Dayax oo ah
Shirkada Biyaha ka soo saartay Deegaanada SSC ay markale ka
Bilowday Magaalada Buuhoodle Qodista Ceel Biyood ay ka
Hirgalisay Dhinaca Bariga Magaalada Buhodle oo horay
Halkaasi ugu yaalay Ceel haatan Dadwaynaha Deegaanka iyo
Xooluhuna ay ka Cabaan Waxtar Badana u soo kordhiyey
deegaanka Buuhoodle gabi ahaantiis ayaa shirkada Dayax Mar
kale dhaawan bilowday Qodista Ceel labaad oo laga Hirgaliyey
Duleedka Bariga Magaalada Buuhoodle.
Waxana Goobta Ceelkaasi laga Qodoyo
Maanta Kormeer ku tagay Qaarkamid ah Isimada Deegaanka
Buuhoodle oo kamid yahay Suldaan Siciid Cismaan Ali iyo
Caaqil Maxamuud Xaaji Cumar Camay, Maamulka gobolka Cayn
gaar ahaan Gudoomiyaha gobolka Cayn Xariir Maxamuud Axmed
iyo Xubno kale oo katirsan Waxgaradka Deegaanka Buuhoodl.
Waxayna Goobtaasi laga Qodayo Ceelka
Labaad kula Kulmeen Maamulka Shirkada Dayax Dr C/rashiid oo
Warbixin ka siiyey Isimada Cuqaasha iyo Maamulka gobolka
Cayn inuu Ceelku Marayo haatan 310 Mitir isla markaana laga
Gaadhay biyo, halkaasina laga Sii Wado Ceelka Qodistiisa oo
haatan ku Dhow gabo gabo.
Ugu Danbaytiina Waxgaradka Deegaanka
Buuhoodle ayaa Halkaasi Mahad Balaadhan uga soo Jeediyey
Maamulka shirkada Dayax oo aad ugu amaaneen Kaalinta Lixaad
ka leh ee ka Ciyaartay Soo Saarista biyaha Deegaanka
Buuhoodle oo deegaanka Haraad badani uu soo maray balse
haatan laga Baxay Haraadkaasi, Waxayna ugu baaqeen in la
taageero Shirkada Dayax oo laga leeyahay gobolada SSC.
  
Cali dhagjar
Ceegaag.com
Buhodle
webmaster@ceegaag.com |
