|
Ogeysiis: Jaamacada Nugaal oo bixineysa Deeq
Waxbarasho.
(Laascaanod, Aug 23, 2011
Ceegaag Online)
Ogaysiis
Jaamacadda Nugaal oo
sannadahan ku hawlanayd horumarinta, tayaynta iyo
dhiirrigelinta dhallinyarada waxbarata ee degaanka ayaa
waxay ugu bishaaraynaysaa ardayda dhammaysay dugsiyada sare
ee diyaarka u ah in ay sii wataan tacliinta sare
islamarkaana aan awoodin in ay iska bixiyaan kharashka
waxbarashada, waxbarasho bilaash ah (scholarship).
Waxbarashadan bilaashka ah
ayaa lagu tartamayaa iyadoo mudnaan la siin doono derejada
uu ka haysto imtixaankii uu kaga baxay ardaygu dugsiga sare,
xaaladda dhaqaale ee ardayga, sida ay uga go’antahay in uu
dhammaysto waxbarashadan bilaashka ah haddii la siiyo, waxa
uu bulshada u qabandoono haddii uu waxbarashadan dhammaysto
iyo derejada uu ka keeno imtixaanka lagu tartamayo.
Haddaba sidii hore looga
bartay Jaamacadda Nugaal waxay diyaar u tahay in ay u
fududayso ardayda aan awoodin in ay iska bixiyaan kharashka
waxbarashada jaamacadda sidaas darteed waxa ardayda u
tartami doonta scholarshipka looga baahanyahay in ay
buuxiyaan shuruudaha hoos ku xusan:
Shuruudaha Aqbalaadda
1.
Waa in uu wato shahaado dugsi sare
2.
waa in uu keeno afar sawir oo kurka ah
3.
Waa in uu buuxiyo warqadda applicationka ee
jaamacadda
4.
waa in uu soo gudbisto qoraal caddaynaya sababta uu u
dalbanayo scholarshipka (sida; agoonimo, dhaqaalexumo iwm),
waxa uu rabo in uu barto iyo waxa uu bulshada u qabandoono
marka uu waxbarashada dhammaysto.(qoraalkan waxa uu ku
diyaarinayaa English)
5
.
Waa in uu bixiyo registration fee dhan $20 (looma
celinayo hadduu tartanka ku guulaysan waayo)
6.
waa in uu diyaar u yahay in uu ilaaliyo nidaamka iyo
habdhaqanka jaamacadda (Code of conduct)
F.G:
·
Qabashada documentigu waa 21/08/2011 ilaa 26/08/2011.
·
Imtixaanka waxa loo fadhiisanayaa 28/08/2011
Good
Lucky!
webmaster@ceegaag.com
|
