|
Xaflad Baroordiiqa oo
dhaqaale loogu uruurinaayay dadka ku waxyeeloobay Colaada
iyo Abaaraha ka taagan Gobolada Bakool iyo Shabeelada Hoose
oo ka dhacday Boston
(Boston, July 31, 2011
Ceegaag Online)
Jaaliyada
Soomaaliyeed ee reer Boston ayaa isgu yimid shir aan
caadi ahayn oo lagu gorfeenayay wixii ay jaaliyadu ka gaysan
lahayd wax ka qabashada abaaraha ka taagan Soomaaliya Guud
ahaan Gaar ahaan Gobolada Bakool iyo Shabaaleda Hoose. Iyada
oo jaaliyadu cod mideesan ugu baaqaso in laga waan toobo
siyaasadeenta gargaarka Biniaadam nimo ee loo fidinayo dadka
ku wax yeeloobay Colaada iyo Abaaraha isu biirsay guud ahaan
Geeska Afrika gaar ahaan Soomaaliya.
Jaaliyadu waxay
ugu yeedhasaa dhamaan Haayadaha Gargaarka ee Qaramada
Midoobay in dadka wax loogu qabto deegaanadooda oo aan
lagu qasbin in ka barakacaan guryahooda iyaga oo aan haysan
gaadiid ay ku qaxaan taasina sababtay in ay ku le'daan
socdaal geeriyeed la baajin karo.
Sidoo kale waxay
jaaliyadu uruurisay dhaqaale hor dhac ah oo ahaa $32,000 oo
doollarka Maraykanka ah iyada oo $17,000 ay gacan maris
ahayd. Gudiga Abaaraha ee reer Boston ayaa goobta ka sheegay
inaysan suuro gal ahayn lana aqbali karin in Jaaliyada
Boqolkiiba Toban (%10) ka qayb qaataan taakulayntan, balse
wacad ku maray inay samayn doonaan diiwaan galin, dadka aan
mutadawacnimo kaga qayb qaadan gargaarkana guryahooda loogu
gali doono.
Shirkana ayaa waxaa Waxa Kalmad wacdi ah
ku furay Imaamka masjid jaamac Boston Sheekh Cabdulaahi
Canshuur
Dhagayso
Shirkan ayaa waxaa Xidhiidhiye ka ahaa
Cabdulqaadir Hindi
Dhagayso
Waxaa warbixin laga diyaariyay Xaalada
abaaraha ee Soomaaliya Guud ahaan Gaar ahaana Koonfurta
Soomaaliya Soo jeediyay Cabdikariin Goolaf.
Dhagayso
Waxaa isna dadka ku guubaabiyay ama dareen
siiyay wajiga dhabta ah ee Haayadaha Gargaarka Cabdirisaaq
Aadan
Dhagayso
Waxaa kale oo dhaqanka ku salaysan isu
gargaarida ee Soomaaliyeed ee salka ku haya diinta Islaamka
soo jeediyay Maryan Gaas
Dhagayso
Sidoo kale Cali Extra oo ah ruug cadaa aad
uga soo shaqeeyay Soomaaliya ayaa dadka ku guubaabiyay in
dadka jilicsan siiba Duqyda iyo Caruurta danyarta ah waxa
laqabanayo laga bilaabo.
Dhagayso
Xaga Siyaasada iyo Gargaarka bini
aadamnimo waxaa ka hadlay Cabdulqaadir Yaasiin
Dhagayso
Ugu danbeentii waxaa goobta la wareegay
Sheekh Yuusuf Cabdulla oo ka hadlay uruka HARO oo jaaliyadu
dhaqaalaha doonaso inay u sii mariso dadkeena tabaalaysan ee
ku sugan Bakool iyo Shabeelada Hoose, isga oo carabka ku
adkeeyay inay Haro sameeyaeen golaha Iimaamada Soomaalida
Waqooyiga Ameerika isaguna uusan u shaqeen balse tahay
Haayad haysata sharci ay dhaqaale kaga saari karta
Maraykanka.
Dhagayso
ugu danbayn shirka waxaa soo gabo gabeeyay
Gudoomiyaha gudiga abaaraha jaaliyada reer Boston
Maluuka Dheere
Daawo
Sawiradii Goobta Shirka!! Boston waxaa ku nool ugu yaraan
10,000 oo Soomaali ah, dadka goobta yimidna ee usoo damqaday
walaalahooda Soomaaliyeed waxay ahaayeen ilaa 200 oo qof.
   
Eng. Xuseen Fiin
Boston
webmaster@ceegaag.com
|
