Madaxweyne
Sharif Sheik Ahmed oo maanta kormeedhay saldhigyo
ciidan, Saldhiga Amisom iyo cisbitaalka Martiini.
(Muqdisho,
March 15,
2011 Ceegaag Online)
Madaxweynaha DKMG Somalia Shariif Sh Axmed oo ay wehliyaan wasiiro
ka tirsan Xukuumada Ra’iisal Wasaare Farmaajo ayaa manta
kormeer ku tagay Saldhiga Ciidamada Daraawishta ee Sarandi
iskuul polisia, cisbitaalka martiini iyo saldhigyada
ciidamada Midowga Afrika ee AMISOM.
Madaxweynaha ayaa salaan kaga qaatay ciidamada Federaalka
Somalia ee ku sugnaa saldhigyadaas, halkaas loogu soo
bandhigay gaarigii bishii hore naftii hure iskugu qarxiyay
xerada ciidanka dowladda KMG Somalia.
Madaxweynaha ayaa sidoo kale kormeeray Isbitaalka Maartini
qeybihiisa kala duwan halkaas oo ay warbixin ku siisay
Agaasimaha Isbitaalkaas Drs. Caasho Cumar Axmed. Kadibna
booqdey bukaan jiifka istibaalka una balan qaaday in ay
Dowlada Federaalka Soomaaliyeed gargaar ka geysan doonto
daaweynta shacabka soomaaliyeed ee ku waxyeeloobay dagaalada
iyo dhibaatooyinka dalka ka jira.
Dhinaca kale Madaxweyne shariif ayaa sidoo kale booqday
Saldhiga Ciidamada AMISOM isagoo salaan kaga qaatay
Ciidamada nabad ilaalinta ee AMISOM ee ku sugan magaalada
Muqdisho.
www.ceegaag.com
webmaster@ceegaag.com
|
