|
Shil Baabuur oo ka dhacay
duleedka magaalada Laascaanood ee xarunta Gobolka Sool
(Laascaanood, Sep 25, 2011
Ceegaag Online)
Ugu yaraan 11 ruux ayaa ku dhaawacmay
shilbaabuur oo galabta ka dhacay meelhilaadda 3 km miter ka
xigta dhinaca galbeedka laamiga Laascaanood. Gaadhigan oo
ahaa nooca Soomaalidu u taqaa MADAX-KANOOL ayaa ka soo
kicitimay magaalda Yeyle kuna sii jeeday magaalada
Laascaanood. Waxaa shilkaaas gaadhi u gurmaday dadwaynaha
degan magaalada Laascaanood oo uu horkacayay isuduwaha
haya’adda USA MERCY ee gobolka SOOL Axmed Cabdicasiis
Warsame (Axmed dheere). Dadkaas dhaawacmayay ayaa qaarkood
loo qaaday magaalada Burco xagga kuwo kalana lagu daawaynayo
cusbitaalka guud ee Laascaanodd iyo ka Almanhal. Goordhawayd
oo aan khadka telephoonka kula xidhiidhnay maamulaha
cusbitaalka Almanhal Dr. Cabdirashiid Maxamuud Cali Saxar
ayaa noo xaqiijiyay in dadkaas dhaawaca ah ay dawayntooda
gacanta ku hayaan intooda badanina ay hadda soo roonaanayaan
waloow ay jiraan dad qaba dhaawacyo culus una baahnaan doona
qalliin.
www.ceegaag.com
webmaster@ceegaag.com
|
