Banaan bax Laascaanood ka
dhacay loogana Soo horjeedo Hadalkii W/Arimaha Gudaha ee
S/land iyo Weriyayaal La xidhxidhay.
(Laascaanood, Jan 02,
2012 Ceegaag Online)
Waxaa
Maanta Gelinkii Hore Magaalada Laascaanood ka Dhacay banaan
bax balaadhan oo looga soo Horjeedo hadalkii ka soo yeedhay
Wasiirka Arimaha Gudaha Somaliland ee Ku aadana Shirka
Khaatumo 2 Waxaan banaan baxan soo Abaabuley bulshada
Qaybeheeda Kala duwan waxaa Ciidamada Amaanka ee maamulka
Somaliland ay xabsiga dhigeen ku dhawaad 20 Qof oo kamid ah
dadkii banaan baxaasi samaynayey sidoo kale waxaa iyana la
xidhay qaar kamid ah weriyayaasha Reer Laascaanood kuwaasi
oo Qayb ka ah Weriyayaasha Faro ku tiriska ah ee ku hadhay
Laascaanood.
Banaan
baxan ayaa Saaka Gelinkii hore ka bilaabmay wada wayn ee
laamiga Halkaasi oo ay iskugu soo bexeen Bulshada
qaybeheeda kala duwan ee ku nool Laascaanood waxa ayna
banaan baxan ku muujinayey shucuurtooda wadani nimo ee ku
aadan shirka wada tashiga Beelaha SSC ee Isbuucan gudihiisa
ka furmaya Taleex.
Sidoo kale waxaa Banaan baxan uu ahaa
mid si habaysan ay u soo abaabuleen bulshada reer
Laascaanood balse ciidamada maamulka Somaliland ayaa iyagu
dadkaasi rasaas ku kala didiey isla markaana intooda badan
jeelka dhigay balse banaan baxani ma uusan noqon mid si yar
ku dama ee dadku iyaga oo Caleemo Ruxaya ayay Si goos goos
ah ku samaynayey banaan baxa waxaa kale oo jiray ciidamo
iyagu markaasi la dhigay wadooyinka Laascaanood.
