Ciidanka Somaliland oo
saaka waabarigii hore weerar ku soo qaaday degmada
Buuhoodle.
Wararka naga soo gaadhaya magaalada
Buuhoodle ayaa sheegaya in uu dagaal qadhaadh ku dhexmaray
daanta Galbeed ee magaalada Buuhoodle Ciidamo madaniya iyo
Ciidamada Maamulka Somaliland.
Mar'aan taleefoonka kula xidhiidhnay
magaalada Buuhoodle ayaa naloo xaqiijiyay in uu dagaalkaa
sababay qasaare maal iyo nafba leh. Dhinaca kale shacabka
ayaa u qaxay dhinaca Itoobiya ee koonfurta magaalada
Buuhoodle sida Tuulada Boqonka. Waxaa kale oo wararku
sheegayaan in markii ciidamo reer miyi ah ay soo xoojiyeen
shacabkii kula dagaalamayay ciidamada Somaliland magaalada
Buuhoodle ay magaalada kasaareen haatana ay ku sugan yihiin
baliga Shangale.
Dagaalka ayaa hada istaagay daqiiqado
ka hor, sidaa darteed ma xaqiijin karno waxa ilaahada
khasaare labada dhinac kala gaadhay. Shabakada Ceegaag uma
suuro galin hada inay hesho khasaaraha dhabta ah ee uu
dhaliyay dagaalkii maanta.
Ha ka fogaan Ceegaag.com wixii warar ee
ka soo kordha xiisadan.
