|
Xukuumada
Itoobiya ayaa maanta si rasmi ah u shaacisay in Meles Zenawi
ku jiro fasax nasasho oo uu dhakhtarkiisu ku taliyey.
(Adis-Ababa, July 20, 2012, Ceegaag Online)
Afhayeenka xukuumada Ethiopia Bereket Simon oo maanta la
hadlay saxaafada ayaa sheegay in xaalka caafimaad ee Meles
aad u wanaagsan yahay, waxa uuna beeneeyey warbixinta
mucaardka ee sheegaysa in Zenwi il-daran yahay.
Bereket Simon waxaa kale oo uu saxaafada u sheegay in
xukuumadu ay diiday in ay faahfaahiso xanuunka
ra'isulwasaaraha iyo goobta lagu daweenayo toona.
Berket Simon ayaa sheegay in uuna ra’iisal wasaaraha
Itoobiya Meles Zenawi qabin xanuunka kansarka maskaxda,
balse waxa uu sheegay in xaalada xanuunkiisu gaar u tahay
ra'isulwasaaraha iyo dhakhtarkiisa. Meles Zenawi oo 57 jir
ah ayaa dalka Itoobiya hogaaminyey tan iyo intii xukunka
laga riday taliskii dhiig-yacabk ahaa ee Dhargiga 1991-kii
Dhinaca kale Sibhat Nega oo kamid ah asaasayaashi jabhada
TPLF ayaa si kulul u weeraray muucardka Itoobiya iyo
warbaahinta reer galbeedka isaga oo ku eedeeyey in ay
buunbuninayaan xanuunka ra'isulwaasare Meles Zenawi.
Sibhat Nega oo waryasi siiyey idaacada VOA-da, ayaa
tilmaamay in xaalada Ato Meles Zenawi aad uga wanaagsan
tahay sida warbaahintu sheegayso. Waxa uu intaa ku daray,
in uu hubo in 100% caafimaadka ra'isulwaasarhu ka soo
raynayo oo uu xilkiisa ku soo noqon doono maalmo yar
gudahood.
Rug cadaaga TPLF ayaa sheegay in wadanku caadi yahay oo
dadwaynhu ayna saas u waynaynin xaalada caafimaad ee
ra'isulwasaaraha, haseyeeshe waxaa uu qiray in mucaaradku
xaalada caafimaad ee Meles buunbuuniyeen iyaga oo u arka
in arintaasi faa'ido u tahay.
Sibhat Nega oo saxiib la ah ra’iisal wasaaraha Ethiopia
Ato Meles Zenawi ayaa sheegay in xanuunka ra'isulwasaaraha
dadku u arkaan caadi laakiin mucaaradku ka dhigayaan wax
aan dhici karin madaama ay yihiin dad ku nool riyadooda.
Kooxaha mucaardka ah ayaa waayadan faafinayey in caafimaadka
raisulwaasaruhu halis ku jiro iyaga oo ku salaynaya
xogtooda malle iyo been abuur.
Si kastaba ha ahaatee waxaa isna ka rawaxaya masraxa
siyaasada geeska afrika kaligii taliye badalay
kaliyataliyihii
Dhargiga Mingistu Xayle Maryam.
Ceegaag@hotmail.com
webmaster@ceegaag.com
|
