Kulan ay maalintii Axadda ee
July/08/12, ku soo bandhigeeysay hay'adda horumarinta
caalamiga ee dalkan Maraykanka
ee loo soo gaabiyo USAID Soomaaliya,
waxqabadkooda ayaa waxaa lagu qabtay magaaladan
Boston ee dalka mareeykanka, iyadoo halkaasi ugu
horreeynba ka caddeeyay in USAID Somaaliya ay tahay
mid wax wayn ka qabata dalka Soomaaliya
Ugu horreyn waxaa halkaasi ka
hadashay madaxa qaybta Soomaaliya u qaabilsan USAID,
Mrs: Angela waxayna si wayn ugu fogaatay inay wax
badan ka qabteen dalkaasi ay dhibaatooyinka
colaadaha, dagganaasho la'aan sababtay fakhri,
burcad, musuqmaasuq, dhamaanba umuurahaasi waxay
waxyeello wayn u geeysteen jiritaankii iyo sumcaddii
shacabkiidalkaasu lahaa.
Angela waxay xustay sida loo xaqiijin
lahaa arimaha dhaqaalaha iyo sidii loogu saldhigi
lahaa badbaadada, sidii loo dhawri lahaa muhiimadda
ay leedahay hiddaha loona ixtiraami lahaa, sidii loo
heli lahaa dawlad hanata kalsoonida shacbigeeda,
sidii loo dhawri lahaa hantida shacabka, iyo sidii
loo xaqiijin lahaa la wadaagista dawladda hay'adaha
madaxa bannaan iyo shicibkaba waxa kala dhexeeyo,
dhamaan umuurahaasi waa umuuro loo baahanyahay in
shacabka Soomaaliyeed hagaajiyaan.
Hay'addu ayaa waxay ka howl gashaa
gudaha Soomaaliya waxyaabaha ay ka qabatay oo qaabka
muuqaalka ah ay usoo bandhigtayna waxaa kamid ahaa
sida magaalooyinka Muqdisho, Hargeeysa, iyo qaybo
kamid ah Puntland ay howlo uga waddo, Muqdisha waxay
kasoo gudbisay in ay shaqooyinka la wadaagto
maamulka gobolka Banaadir oo xitaa la arkayay haween
badan oo iyagu ka shaqeeynayay arimmaha nadaafadda,
gabar Soomaaliyeed oo ka hadlaysay ayaa caddeeysay
in iyadu markii dawladdii dhaxe ay burbureeysay
da'deedu ahayd 4sano jir oo aysan waxba kala socon
qiyamka dawladnimada.
B
alse ku fikirtay ineey noqoto hal
abuur da'yar taasi oo ay ka gaartay heer fiican
illaa haatan ay kamid tahay waddaniyiinta sida wayn
uga qaybta ah nadaafadda magaalada Muqdisho, taasi
oo ay caddeeysay in maalintii ay xoogsataba ay
qaadato qiimi dhan illaa $4, maalinta xigtaana ay
barato afka Soomaaliga, Carabiga, iyo Xisaabta,
kharashkaasi USAID Soomaalia ayaa ka bixiso.
Waxyaabaha kale oo ay ha'yaddu ka
qabatay Muqdisha waxaa kamid ah in qashinka ay ka
qaaddo magaalada si isu socodka dadka iyo
gaadiidkuba uu u noqdo mid wanaagsan oo saani ay
dadku u adeenkarayaan. Guddoomiya gobolka Banaadir
Maxamad Axmad Nuur Tarsan ayaa kamid ahaa
mas'uuliyiintii meeshaasi sida wayn uga hadlay
isagoo sheegay in ereyga Muqdisho uu yahay mid kasoo
jeedo luqadda Carabiga micnaheeduna yahay,= goobtii
shaaha= oo dadkii hore iyo taariikhba ay caddaan
tahay in Muqdisha tahay magaalo ka fac wayn
1000sano,
Waxaa kaloo ay hay'addu soo
bandhigtay dhibaatada burcad badeedda Soomaalida
taasoo dad badan oo ay lasoo sheekeeysatay ay u
sheegayeen in dhibaatadu tahay mid jirta laakiin ay
tahay mid iyaguba lagu abuuray sida markii
Maraakiibta waawayn ee xeebahooda ku soo xadgudbeen
wixii kalluun iyo kheyraad ay lahaayeen iyo
shamaagtii ay dhigteenba cardaaduqaha ka dhigtay
taasi ayaa dhalisay in dhalinyaradiina arinka
Burcadbadeednimada ku dhaqaaqaan, mana haystaan hawl
kaloo ay ku kallahaan.
Waxay kaloo hay'addu soo bandhigtay
sida ay horumarka ugu sii tallaabsaneeyso
Somaliland, oo ay iyagana ka soo gudbisay
waxoogaa horumar iyo amni fiican ah. Waxaa kaloo ay
hay'addu sheegtay in iyadu aanay si toos ah lacagaha
u siin dawlad iyo hay'adaha, mana in dhaqaalaha lagu
dagaayo 5 stars iyo in lagu iibsanaayo guryo toona
balse waa mid wax loogu qabanaayo ummad
dhibaateeysan, iyadoo jidka ugu habboon loo
marinaayo iyagoo xusay in shaqaalaha USAID ay
mushahar iyo lacago safarba ku leeyihiin ha'addooda.
Glopal Peace Aid, GPS, Director
Abdirizak M Aaden, iyo E/D Robin, iyo TISBYSOMALIS
Zamzam iyo Aden H Yasin, oo iyaguna si gooni gooni
ah u hadlay ayaa kamid ahaa mas'uuliyiintii
bandhiggaasi kasoo qayb gashay, iyagoo sharraxaad
badan siiyay dadkii kasoo qayb galay, islamarkaana
uga jawaabayay su'aalihii ay waydiiyeen si qanac leh.
Abdihakim Omar Jimale.
Boston MA USA.
