|
Wafi
uu Hoggaaminayo Xiriiriyaha Qaramada Midoobey dhanka
Bini’aadanimada dalka Soomaaliya Mark Bowden ayaa maanta soo
gaaray magaalada Boosaaso ee xarunta gobolka Bari
(Boosaaso, July 12, 2012, Ceegaag Online)
Wafi uu Hoggaaminayo Xiriiriyaha Qaramada Midoobey dhanka
Bini’aadanimada dalka Soomaaliya Mark Bowden ayaa maanta soo
gaaray magaalada Boosaaso ee xarunta gobolka Bari. Mark
Bowden iyo Wafdigiisa ayaa waxaa kusoo dhaweeyey magaalada
Boosaaso mas’uuliyiin ay kamid yihiin Wasiirka Maaliyadda
Puntland Faarax Cali Shire, Wasiiro Kuxigeenada amniga
Cabdirisaaq Xareed iyo Cabdijamaal kan gobolka, degmada iyo
marti sharaf kale iyagoona intaas ka dib wada qaatay kulan
kooban oo ay uga hadleen arrimo farabadan.
Wasiirka Maaliyadda Puntland Faarax Cali Shire oo ugu
horayn hadalo kooban kasoo Jeediyey kulanka ayaa sheegay in
maanta ay aad ugu faraxsanyihiin in Mark Bowden iyo Wafdi uu
Hoggaaminayo kusoo dhaweeyaan magaalo Xeebeedka Puntland ee
Boosaaso.
Wasiir Kuxigeenka Amniga Cabdirisaaq Xareed Ismaaciil
ayaa isna sheegay in hadda ay ka Codsanayaan Qaramada
Midoobey in xili kasta ay sii laba Jibaarto taageerida
dhanka Bini’aadanimada ay u fidiso Barakacayaasha ku dhaqan
Puntland.wuxuuna sidoo kale tilmaamay in Dawladda Puntland
ay wax ka qabataya la dagaalanka kooxaha Burcadbadeeda balse
ilaa hadda dhankeeda laga hayn QM balanqaadyo ay sameysay.
Xiriiriyaha Qaramada Midoobey dhanka Bini’aadanimada
dalka Soomaaliya Mark Bowden oo hadlay ayaa tilmaamay in
isaga iyo Wafdigiisu ay ku faraxsanyihiin Imaatinka
magaalada Boosaaso isla markaana waxa uu sheegay in Puntland
u yimaadeen in ay kormeer ku sameeyaan habsami u socodka
hawlaha hay’adaha UN-ku ka wadaan deegaanada Puntland.
Waxa uu tibaaxay in hadda iyo jeer ay Xooga sarayaan kor
u qaadida hamiga dadka Barakacayaasha ee ku dhaqan gobolka
Bari iyadoona la isla fiirinayo hannaan taabagal ah oo lagu
horumarinayo Xaaladooda guud laga caawin doono baahiyahooda
aasaasiga ah ee bulsho.
Xiriiriyaha
Qaramada Midoobey dhanka Bini’aadanimada dalka Soomaaliya
Mark Bowden
…”" Waxa weeye waxan aad
ugu faraxsanahay hawsha aan wadno UNDP ay wado ee Suuq
sameynta iyo waxan ku faraxsanahay arrimaha IDP-tyada
Qaxoontiga iyo hawlahooda sida kor loogu qaaday gobolka Bari,
waxan isla fiirinaynaa hab aan u horumarino xaalada guud ee
ka taagan gobolka,waxaan dareensahay idinku aad ila dareesan
tihiin in dad soo barakacay oo muddo ku sugan xeryo qaxoonti
oo ilaa hadda aan deegaanka hoy ku yeelan iyadoona ay muhiim
tahay in loo helo hab sharci ah oo dhul lagu siin karo loona
dhisi karo si ay deegaanka uga mid noqdaan….”"”ayuu yir
MarkBowden.
Mark Bowden ayaa sidoo kale ka dhawaajiyey in magaalada
Garoowe ee caasimada Puntland ay ku kulmeen Madaxweyne
Cabdirismaan Faroole isla mar ahaantaana ay si qoto dheer
uga wada hadleen arrimaha Bini’aadanimada deegaanada
Puntland iyadoona ay Qaramada Midoobey ay ka hirgelinayso
deegaanada dhanka Xeebaha mashaariic kor loogu qaadayo
tayada dadka kunool .
Si kastaba ha ahaatee Mark Bowden iyo Wafdi uu
Hoggaaminayey ayaa galabta booqday Kaamamka ay ku dhaqan
yihiin dadka Barakacayaasha ah iyagoo ugu kuurgalay sida ay
tahay Xaaladahooda kala duwan ee dhanka nolosha.
  
webmaster@ceegaag.com
|
