Bayaan digniin ah oo ay si wada jir ah usoo
saareen ururada IGAD, AU iyo QM.
(Addis Ababa May
01,
2012 Ceegaag Online)
Bayaan ay si wada jir ah
u soo saareen ururada Qaramada Midoobay, Midowga Afrika iyo
Urur Goboleedka IGAD ayaa waxa ay uga hadleen arrimo ay ka
mid yihiin taabo galinta Roadmap-ka, iyagoo dhinaca kalana
digniin u jeediyay shaqsiyaadka iyo kooxaha qaska ku wado
hanaanka nabadda ee Soomaaliya.
Hadal qoraal
ah oo saxaafada loo qeybiyay oo ay si wada-jir ah uga soo
baxay ururradaasi waxay ku sheegeen in ay walaac xooggan ka
qabaan in khalkhal la geliyo hannaanka kala guurka ee
Roadmap-ka
Qaramada
Midoobay ,Midowga Afrika iyo IGAD waxay sheegeen in
shaqsiyaad iyo kooxo jooga gudaha iyo dibedda Somalia ay ka
shaqeynayaan sidii ay u wiiqi lahaayeen horumarka dalka laga
gaadhay gaar ahaan dastuurka
War-saxaafadeeda
waxaa lagu xusay in Beesha Caalamka ay ka go’an tahay in
kooxaha qaswadaayasha ee ka soo horjeeda in xilliga KMG ah
la soo afjaro, lagu soo rogi doono cunaqabteyn
Waxaa ku
saxiixnaa War-saxaafadeedka wakiilka gaar ah ee Midowga
Afrika Boubacar Diarra, ergayga gaarka ee Qarmaada Midoobay
u qaabilsan Somalia August Mahiga iyo sarkaal IGAD u
qaabilsan fududeynta howlaha nabadda iyo dib u heshiisiinta
Somalia Kipruto Arab Kirwa.
