(Soomaaliya, Jan 26
07, Ceegaag Online)
-Dowlada Faderaalku Dhaqaale
ayaay rabaan, Xal Siyaasadeedna
Ma hayaan iyo hanaan dib u
heshiisiin ah,Ururka Yurub Shurudo adag
ayeey wataa, Mareeykankuna
Duqeeyntii Cirkii ayuu Wadaa, Kooxo yarna
Iska caabiinta Itoobiyaanka,
Dadweynoow maxaa xal ah, Amarka Allena
Meeshiisa.
-Sida muuqata Qorshaha
Dowlada Federaalka Somaaliyeed ayaa u
muuqata ama cadaan ah in hadafkeeda
kowaad yahay habkii eey ku
Heli laheyn Dhaqaale ama taakuleyn
Dhaqaale habka caawimada ah oo
eey si weyn ugu ololeeyneeyso,
iyagoo qiilka ka dhigaaya habka ama
Hanaan lagu wadaayo howlaha
Dowladeed iyo qorshayaasheeda oo ah
kuwo aan sida ku haboon u cadeeyn,
lamana garan karaayo arrimaha
Ahamiyada leh, inkastoo madaxda
Sarre sheegaan dhanka Amaanka iyo
Xasiliinta Caasimada Qaranka oo
hada eey gacanta ku hayaan Ciidamo
Itoobiyaan ah iyo Xoogaga Dowladda
oo tabartoodu xadidan tahay oo
si weyn uga gaabineeysa hanaanka
wanaagsan iyo wada toosan ee lagu
Xalin karaayo arrimaha Cakiran ee
Somaaliya, Hogaanka sare oo liita
Barlamaanka oo magac u yaal ah iyo
hay'adihii maamulka oo maqan,
Kalsoonidii Shacabka oo lunsan,
taageero qabyaaladeed iyo cudurka
Reernimada oo xoogan iyo habka
Farsamo u kala xoogsiga oo socdda,
Xisaabtankuna maqan yahay, Qorshaha
Hub ururin been beenta ah oo
Weliba Degaamo gaar ah khuseeya,
Su'aalo badani ka jiraan, Guud ahan
Dowlada Federaalka waxaa heeysaa
Tallo iyo Qorshe Xumo.
-Ururka Midoowga Yurub oo
shuruudo adag ku xiray Kaalamadda
Dhaqaale ee uu bixinaayo, kuwaasoo
labo waji leh:-Midka koowaad-
Xaq aheey u leeyihiin in eey la
yimaadaan shuruudo adag habka iyo
Meesha uu gelaayo dhaqaalaha eey
dhiibaayaan,hanaankiisa maamul
Iyo guud ahaanba wixii khuseeya,
sidoo kalle weey ka hadli karaan
kana dhiiban karaan aragtidooda ku
wajahan Talaabada Xukunka Deg-
dega ah oo ku saleeysan ama ka
turjumi karaaya habka Nidaamka ama
Awood maruursiga Shakhsi
keliya(kali-Taliyenimadda), Laakiin marka
la eego nidaamka Dowliga ah iyo
habka Xiriirka Diplolaasiga xaqa
uma yeelan karaan fara-gelinta
arrimaha Gudaha Dowlada Somaaliyeed
laakiin waxaa u furan tallo soo
jeediin iyo dhaliilidba, waana sida
eey hada wadaan oo waxaa soo shaac
baxaaya in eey ka noqdeen Arr.
Casilaada Gudoomiyihii Barlamaanka
Shariif Hassan, oo markii horre
eey ku adkeeysanaayeen in Xilkiisii
lagu celiyo,hadase eey hadalka
Yarre khafiifiyeen, kuna bedeleen
waxaa lana haboon in arrintaas
laga fiirsado iyo ereyo la mid ah,
mana jiro go'aan rasmi ah oo eey
si mideeysan u gaareen,waxaan
filaayaa in eey maal-gelin doonaan
Ciidamada Afrikaanka ah oo Dalka
Somaaliya Imaanaaya.
-
Arrinta
Sadexaad oo dhibaatadeeda weyn
leh, xanuunkeeda iyo xad-gudubkeeda
ayaa ah Duqeynta Dayuuradaha
Mareykanku ku hayaan Degaamada
Jubada Hoose iyo xasuuqa joogtada
ah oo eey u geeysteeyn Dadka
rayidaka ah iyo Xoolahoodaba, Sabab
La'aan iyo aamuska Caalamka, Halka
Madaxda Sare ee Dowlada Somaalia
Si weyn raali uga yihiin,iyadoo
qiilku yahay gumaadka Maxaakiintii
Gaar ahaan Hogaamiyaashii qaar ka
mid ah iyo Shakhsiyaad Ajnabi ah
oo la sheego in eey la
socdeen,xaqiijina loo heyn, talaabo qalafsan
iyo gardaro cadaan ah, waana mid
cawaaqib xumadeeda keeni doonta oo
eey Masuuliyadeeda iska leeyihiin
C/Laahi/Geedi iyo raxanta ku
Xeeran kuna Magacaaban Wasiirada
iyo Xildhibaanada,Taariikhda ayaa
Qoreeysa Fal dembiyeedka iyo
Xasuuqyada la geeysteey iyo kuwa weli
Socdda.
Sidoo kalle waxaa dhaliisheeda leh Weerarada gaadmada ah
oo
ka socda Caasimada Muqdisho, gaar
ahaan kuwa lala beegsanaayo ama
ku wajahan goobaha Dadweynuhu ku
sugan yihiin ama ahamiyada weyn
u leh guud ahaan bulshada
Somaaliyeed oo eey ka imaan karaan dhib
saameeya dadka rayidka ah, laakiin
waxaa xaq ah iska caabinta guud
ahaanba Weerarka iyo xadgudubka
Ciidmada Itoobiyaanka oo ilaa hada
Geeysteey khasaarooyin iyo tacadiyo
dhoowr ah, falal dil ah sabab
la'aan,mana jirto dowlad ama awood
dowladeed oo lagu xakameen karo
Talaabooyin khaldan ee Ciidamada
Itoobiyaanka, anigu shakhsiyan si
weyn ayaan uga soo hor-jeeda
Itoobiyaanka iyo Qorshahooda Gumeeysi
oo eey Fulinaayaan kuwa Madaxa Sare
ee Somaaliyeed sheeganaaya ama
ahba Madaxda Dowlada Federaalka
ah,sidoo kalle waxaan ka soo hor-
jeedaa wixii Nabadgelyada guud
khal-khal gelin karaayo,Dadweynaha
Dhibaato u soo hooynaaya, waxaana
haboon in la sameeyo banaan baxyo
hab Nabadeed ah oo lagu diidan
yahay Joogitaanka Ciidamada Zanaawi
iyo Qorshaha Gumeeysiga
Itoobiyaba,Diidneey oo diidnay Qorshaha
Zanaawi Iyo Talaabooyin Gumeeysi oo
Qarsoon, Diidneey Hoos joogida
Qushaasha Tigreega liita, Diidneey
Dulmiga iyo Talo Xumaanta Socota
Diidneey oo diidneey.
-Qorre-Xassan C/Laahi Sh(Xassan
Carab)-
-England-UK-26/01/2007-
