Aaska marxuum lagu diley shaley dalka koonfur Afrika oo maanta ka dhacay Magaalada Johannesburg‏.

(Johannesburg, January 02, 2008 Ceegaag Online)

Dad kor uu dhafayaa boqol qofood oo Soomaali ah ayaa kasoo qeyb galay Aaska Wiil dhalinyaro ahaa oo shalay kooxo hubeysan ay ku dileen tuulo ku dhaw Magaalada Johannesburg ee Dalka Koonfur Afrika.

Marxuumka oo lagu magacaawi jirey Cumar Cabdi Nuur, oo da’diisu ahayd 27 jir  ayaa dalka joogey muddo ka yar labo bilood, isagoo u geeriyoodey tacshiirad wadnaha ka haleeshay, oo ay ku fureen dhowr nin oo aanan Haybtooda la aqoon.

Dilka Marxuumka ayaa dhacay xilli sadex nin oo soomaali ah oo qaar ka shaqeeya iyo kuwa leh isugu jirey ay ku sugnaayeen gudaha dukaanka dhibtu ka dhacday,kadibna  ragii hubeysnaa ayaa si aan loo meel dayin u furey rasaas kuwaasoo midii ugu horeysey ay haleeshay Cumar Cabdi Nuur, dalka Koonfur Africa  yimid Taariikhdu markay ahayd 13-11-07, isla dukaanka uu shalay ku geeriyoodey, sida uu ii xaqiijiyey mid ka mid ah ehelada marxuumka geeriyoodey,

Dhinaca kale burcadii falka geysatey ayaan wax hanti ah ka qaadan dukaanka, iyagoo markey falka gesteen is kaga baxsadey goobta, kooxdan burcada ah ayaa dhawaanahanba qal-qal galineysay dadka Soomaalida ee tuuladaasi ku dhaqan, iyagoo dhowr jeer ku soo qaadey weerar oo halkaas ay ka geystay dhac iyo Jir dil.

dhinaca kale marxuumka geeriyoodey ayaa maanta, Aas Caalami ah loogu sameeyey Magaalada Johannesburg, iyadoo marxuumka lagu aaseey meel ay ku aasan yihiin Soomaali kale oo fara badan oo aan ka xusii karo ninkii lahaa dukaankii lagu diley shalay marxuumka dhintey oo isna goobta ku aasan,

6-dii Bilood ee u dambeeyay Sannadkii 2007 dalkan Koonfur Afrika tirada dadka Soomaalida ee lagu diley ayaa gaareysa ku dhawaad 20 waxaane iska caado ah in sanad kasta dhamaadkiisa ay saro u kacdo tirada dhimashada Soomaalida, maadaama la yiri tuugada wadankan ee hubeysan ayaa geysta falal fool xun sii ay u helaan lacago ay ku damashaad tagaan Sannadka marka dhalanaya,

Hadaba waxaa aaskii maanta ka dib dadka qabriga dushiisa kula hadlayeey Sh. Maxamed Amiin oo ah Imaamka Masaajidka Magaalada Johannesburg, ka dib wacdin iyo waano diineed ayuu sheekhu hoosta ka xariiqey inay muhiim tahey in dadka ah mulkiilayaasha dukaamada tuulooyinka ku yaala ay xaq dhowran shaqaalaha uga shaqeeya dukaamankooda, ugu dambeyn falkaasii waxaa cambareeyey Jaaliyada soomaaliyeed ee Gobollka Gauteng,

Hassan C/llaahi Cabdi (yeey)

Johannesburg, South Africa

yeey18@hotmail.com

webmaster@ceegaag.com