|
Qasaarihii ka
dhashay Dagaalkii shalay ka dhacay Magaalada Kismaayo oo soo
badanaya iyadoo Meydad kale saaka la helay
(Kismaayo, Aug 21,
2008 Ceegaag Online)
Xaaladda
Magaalada Kismaayo ayaa degan, in kastoo ay jiraan xiisado
dagaal oo u dhaxeeya Maleeshiyaadkii shalay ku dhex
dagaalamay gudaha magaalada haddana waxaa la soo sheegaya in
Magaalada ay qasan tahay isla markaana ay is hor fadhiyaan
dhinacyada dagaalamay
Dagaalkan
oo u dhaxeeya Maleeshiyaadka Beesha Maamusha Magaalada
Kismaayo iyo Xoogaga Al Shabaab ayaa waxaa uu saameyn ku
yeeshay nolosha dadka rayidka ah ee Magaalada, kuwaas oo
markoodaba hore haysanin nolol fiican maadama ay isugu
jiraan dad horey uga barakacay Muqdisho iyo dad reer
Kismaayo ah.
Saaka ayaa
gudaha Magaalada Kismaayo laga dareemayay abaabul dagaal oo
labada dhinaca ka wadaan Magaalada maadama labada dhinac
meel kasta ha ku xirnaadan hadda ay ka soo wada jeedan
beesha Magaalada Maamusha.
Xaafadda
shalay dagaalka dadka faraha badan ku dhinteen ka dhacay
waxaa weeye Xaafadda Siinay Waqooyi Galbeed oo ku taala
xarunta Maamulka Kismaayo
Saaka
ayaa ilaa iyo 3 Meyd laga helay goobihii shalay dagaalada ka
dhaceen, tirada guud ee dadkii ku dhintay dagaalkii shalay
ayaa waxay noqonaysaa 16 ruux.
www.ceegaag.com
webmaster@ceegaag.com |
