Magaalada Badhan oo si diiran loogu soo dhaweeyay Gen. C/llaahi Axmed Jaamac Ilka Jiir (Daawo Sawiradda).

(Badhan, Aug 19,  2008 Ceegaag Online) 

Waftigii uu hormuud ka ahaa Gen-ku ayaa si diiran loogu soo dhoweeyay magaalada Badhan ee Xarunta  labaad Gobolka Sanaag, Kumanaan ruux ayaa sitay boodhadh soo dhawayn ah, dadkaasi ayaa waxa wajiyadooda ka muuqtay Farxad iyo soo dhowayn, Gen-ka ayaa waxa salaan siiyay Ciidamada Deegaanka kuwaasi oo ku jiray Heegan sare isla markaana sugayey Amniga kuna gaashaaman baabuurta dagaalka.

Sidaanu kor kusoo xusney waxaa soo dhoweeyey musharaxa dadwayne aad u balaaran oo uu horkacayeen Ururadda Bulshada iyo Qaybaha kala duwan ee Bulshada iyo waliba Gudiga Magaalada Badhan iyo waxgaradka culumada cugaasha isimada iyo waliba dhamaan dadwayanaha degmada Badhan

Dadweynaha soo dhoweeyey wefdigan ayaa ruxayey caleemo qoyan iyo waliba halku dhigyo, sawiro iyo waliba Hesso Wadani ah muujinaya xamaasada Magaalada Badhan,

Waxaa sidoo kale magaalada Badhan soo gaarey wefdi Heer sare oo  ka kala yimi Magaloyinka Boosaaso iyo Ceerigaabo isla markanaan ka qeyb qaatey soo dhoweynta Generalka taasina ay tustey calaamada ah MIDNIMO IYO ISRAACID

Magaalada Badhan ayaa maanta u ekeyd mid aad moodid iney ka jirto maalin ciideed iyadoo aad arkeysid faraxad aad u badan oo ay dadku hayaan isla markaan ay dadweynuhu isugu tahniyadaynayeen soo dhoweynta Generalka iyo Wefdigiisa.

Dhalinyada Sportiska Magaalada Badhan ayaa waxay ka cayaartey door weyn oo iyagoon Watay Dharka Sports ka iyo Sawirada Generalka iyo waftigiisa kuna dhawaqayeey  sodhowow .sodhowow  iyo weliba Heeso ay iyagu sameeyeen.

Magaalada ayaa sidoo kale waxaa xirnaa goobaha Ganacsiga iyo suuqyada laga adeegto iyadoo dhamaantood ay isu taageen Wadoyinka Waween ee magaalada Badhan sidi ay uga qayb qadan lahayeen  soo dhoweynta wefdiga.

Daawo Sawiradda

Xigasho: Laasqoray

webmaster@ceegaag.com