(Laascaanood, Aug 16,  2008 Ceegaag Online)

Israsaaseyn xoog leh ayaa xalay abaarihii 10kii fiidnimo ka dhacday magaalada Laascaanod agagaarka xerada agoonta oo ka mid ah meelaha dadku aad ugu badan yahay, xagga xaafadaha iyo ganacsigaba.
 
Dhacdadaas oo ay is rasaaseeyeen laba beelood oo wada dega Gobolka Sool, kadib markii dhalinyaro labada beelood midkood ah ay aflagaadeeyeen gabdho ka tirsan beesha kale, isla markaana u soo hiiliyeen dhalinyaro ka tirsan beeshooda.
 
Intaas dabadeed waxaa bilaabantay rasaas xoog leh oo labada dhinacba isku ridayaan, waxaana halkaa ku dhaawacantay gabadh uur leh(xaamilo ah) lana sheegay inay labada beelood ee is dilaya midna ka dhalatay midna ay qabaan.
 
Gabadhaas arintaas wax lug ah oo ay ku lahayd ma jirin, gabadha dhaawacantay waxaa loo qaaday magaalada Garoowe, waxayna gashay Como ama waa miyir la'dahay, warar danbe oo la helayna waxay sheegayaan inay dhimatay, marna waxay leeyihiin waxay ku jirtaa como.
 
Hadaba haddii meel wax ka dhacaan badanaa waxaa dhibaato soo gaadhaa dad aan marka hore dhacdadaas lug ku lahayn.
 
 
                     X.WARARKA CEEGAAG ONLINE
                                    LAASCAANOOD.

webmaster@ceegaag.com