Qaramada Midoobay oo walaac ka muujiyay Soomaaliya.

(New York, August  01,  2008 Ceegaag Online)

Guddoomiyaha Qaramada Midoobay u qaabgilsan nabad ilaalinta ayaa waxa uu sheegay in dalka Soomaaliya gobolo badan oo ka mid ah Koonfurta Somalia ay ka taliyaan xoogaga hubeysan ee ka soo horjeeda Dowladda Federaalka Soomaaliya.

Intaas waxa uu ku daray Mr Guehenno inaysan kala caddeyn cida sida gaarka ah ay u hoostagi doonaan Ciidamada Qaramada Midoobay amase maamulkooda la socon karta mar hadii aysan Dowladda KMG ah ee Soomaaliya awoodin inay Maamulka Dalka gacanta ku wada dhigaan.

Hay'adda xaquuqda aadanaha u dooda ee Amnesty International iyo kuwa samafalka ee Qaramada Midoobay iyo kuwa kale ee caalamiga ah ayaa horey walaac ka muujiyay xaalada bini'aadanimo ee ka taagan Dalka Soomaaliya iyadoo dadka Dagaalada Magaalada Muqdisho ka dhacay ku dhintay lagu qiyaasay in ka badan 7000 oo qof iyadoo dagaaladaasi barakiciyeen dad ka badan 2.5 million  kuwaas oo qaar kood ku dhibaateysan inta u dhaxaysa Magaalooyinka Muqdisho iyo Degmada Afgooye.

waxa intaasi dheer markii ay soo baxeen falal gaadmo ah oo lagu u gaarsanayo Shaqaalaha iyo ganacsatada Magaalada Muqdisho ka howlgala iyadoona qaar ka mid ah gobolada dalka Soomaaliya ay ka dhaceen dilal qorsheysan oo aan la ogayn cida ka dambeysa, "dhinacyada heshiiska saxiixay awood intee la'eg ayay u leeyihiin in ay maamulaan hubka yaala dalka Soomaaliya hadii aysan taasi maamuli karin heshiisku waxa uu noqonayaa mid aan dhaqan galin karin" ayuu intaa raaciyay Mr. Marie Guehenno.

www.ceegaag.com

webmaster@ceegaag.com