|
Ra’iisal Wasaare
Nuur Cadde oo magacaabay 5 wasiir iyo Hal wasiir K/xigeen
Aqri Magacyada Wasiirada Cusub.
(Muqdisho, August
03,
2008 Ceegaag Online)
Ra'iisal
Wasaaraha Dowladda Federaalka Soomaaliya Nuur Xasan Xuseen (Nuur
Cadde) ayaa wuxuu magacaabay 5 Wasiir oo isugu jira xubno
lagu badelay Wasiiro shalay is-casilay iyo kuwo ka harsanaa
Xukuumaddiisa.
Wasiirada
la magacaabay ayaa kala ah:
1.
Cabdalla Boos
Axmed,
Wasiirka Waxbarashada
2.
Cabdalla
Xaaji Cali,
Wasiirka Caafimaadka
3.
Fahmo Axmed
Nuur
Wasiirka Horumarinta Haweenka iyo Arrimaha Qoyska
4.
Xuseen
Maxamed Muuse
Wasiirka Xanaanada Xoolaha Kallumeysiga iyo Bii'ada
5.
C/casiis
Xasan Maxamed
Wasiirka Shaqada iyo Arrimaha Bulshada
1.
Ismaaciil Xasan Maxamuud Timir
Wasiir ku xigeeka Wasaaradda Dib u heshiisiinta, Dastuurka
iyo Arrimaha Federaalka.
Dhinaca kale
Madaxweyne C/llaahi Yuusuf Axmed ayaa looga digey
faragelinta uu ku hayo geeddi-socodka nabadda ee uu wado
Ra’iisul wasaare Nuur Cadde, Ilo-wareedyo ku dhow xafiiska
Ergayga Qaramada Midoobay ee Soomaaliya ayaa laga soo xigtey
in Madaxweyne C/llaahi Yuusuf loo sheegey in mudada halka
sano ah ee xukuumaddiisa u dhiman uu faraha kala baxo
isbedellada uu wado Nuur Cadde haddii kalena uu mas’uul ka
noqon doono cawaaqibka arrintaas ka dhasha.
Wasiiro ku
fakir ahaa Madaxweyne C/llaahi Yuusuf ee ka horjeeda
dadaallada dib u heshiisiineed ee dalka ka socda ayaa shalay
ku dhawaaqey inay iska casileen xilalkoodii ay ka hayeen
Xukuumadda Nuur Cadde.
www.ceegaag.com
webmaster@ceegaag.com |
