Arday Ka qalin Jabisay Jaamacada Osmania University ee Dalka India oo Xaflad loo sameeyay.

(Hyderabad, August  02,  2008 Ceegaag Online)

Maanta oo Taariikhdu tahay 02-08-2008 ayaa waxaa Xaflad loo sameeyay Ardaydii ka qalinjabisay Jaamacada Qadiimiga ah ee Osmania University ee ku taala Magaalada Hyderabad ee Dalka India.

Xaflada oo si aad ah loo soo agaasimay ayaa waxay ka dhacdey Hoolka weyn ee Jaamacada Osmania qeybta barashada Technology-ga Casriga ah taas oo ay iskugu yimaadeen Arday tiradood lagu qiyaasay 300 oo arday Ajaanib ah.

Xafladaas ayaa waxaa lagu gudoonsiinay ardaydii ka qalin Jebisay Sanadka 2008, Shahaadada Degree ama Bachelor ah,  Waxaana xafladaa iska kaashaday Jamaacada Osmania iyo Ururka Arday Ajaanibta ah.

Xaflada qalin jebinta ayaa waxaa ka hadlay Vice Chancellor-ka Jaamacada Osmania, Prof. Thirupathi Rao  oo ardayda ugu Mahad naqay sida wanaagsan ee waxbarashadooda u dhamaysteen, kuna tilmaamay guul weyn oo u soo hoyatay Ardayda iyo Jaamacadaba.

Prof. Thirupathi Rao ayaa sheegay inay sharaf weyn u tahay Jaamacada Osmania University inay heshu Sumcad weyn madaama Arday intaa le’eg Sanadkan ka qalin jebiyaan , Sanadada dambena uu rajeynayo inay kasii kordhi doonaan Tirada Ardayda ka qalinjabindoonta.

Waxa kaloo xaflada lagu casuumay Safiirka Dalka Ciraaq u fadhiya Dalka India  isagoo hadal kooban ka jeediyeye isla goobtaas, wuxuuna aad uga hadlay Waxbarashada iyo muhiimada ay u leedahay, isagoo hadalkiisa ku soo  koobay, Mahadnaq iyo isagoo ku amaanay Arday Ajaanibta isku xidhnaanshahooda iyo wada shaqeyntooda.

Xaflada ayaa wax door weyn ka ciyaaray Arday Soomaaliyeed ee wax kabarata Jaamacada Osmania University oo sanadkan haya Jagada Gudoomiyenimada Ururka Ardayda Ajaaniibta.

Daawo Sawiradda

Axmed Maxamed Maxamud (Xamuurad)

Hyderabad, India

xamuurad@hotmail.com

webmaster@ceegaag.com