(Muqdisho, Aug 15,  2008 Ceegaag Online)

Mar aanu saaka la xidhiidhnay masuul ka tirsan dawlada Federaalka ee Soomaaliya oo naga codsaday inaanan shaacin magaciisa ayaa waxa uu noo xaqiijiyay in ay jirtay isku day ay waday dawlada Itoobiya isku daygaa oo ay doonasay inay hal mar uga takhalusto sadexda masuul ee ugu sareeya dawlada Soomaaliya.

Masuulkan ayaa waxa uu intaa raaciyay inaysan suuro gal ahayn in ay hal diyaarad wada raacaan sadexdax masuul iyada oo ay jirto jahwaraar siyaasadeed oo ku habsaday dawlada iyo mucaaradkeedaba.

Masuulkan isaga oo hadalkiisa sii wata ayuu waxa uu intaa raaciyay waxaa noo heelan caalamka fursadana nama soo marin maanta ka horow waa in laga feejignaadaa inaysan ka fashilmin umada Soomaaliyeed, oo dib loo hantaa hanaankii dawlad nimo.

Waxaa cadaw ku ah Soomaaliya dad Soomaali ah oo iyagu dano gaar u ah eeganaya ayuu hadalka ku soo gabagabeeyay.

Inataa ka dib waxaan la xiriirnay Aqalka Madaxtooyada Villa Soomaaliya oo aanu ka xansanay in madaxwaynuhu u anbabaxoyo Adis Ababa iyo in kale waxaana naloo sheegay in diyaaradi fadhido garoonka Muqdisho madaxwaynuhuna tagayo Adis Ababa  isagoo markaa shir kula jiray Ergay ka socda uruka midnimada Africa.

Xafiiska Wararka ceegaag.com

Laascaanod

webmaster@ceegaag.com