|
Jaamacada
Muqdishu oo farac cusub ka furatay Goboladda Puntland.
(Bosaaso, Aug 06,
2008 Ceegaag Online)
Waxaa Hoteelka International Village ee Magaalada Bosaaso
lagu qabtay xaflad aad loo soo agaasimay laguna furrayey
faricii ugu horeeyey ee Jaamacada Muqdisho ee deegaanka
Puntland
Xafladaas
oo ahayd mid aad loo soo agaasimay ayaa waxaa ka soo
qeybgalay boqolaal ruux oo isugu jira Hay'adaha dowlad
goboleedka Puntland, Hay'addo caalami ah,bahda waxbarashada,
aqoonyahanada, culimada,ururada bulshada rayidka,
isimada,ganacsatada haweenka dhalinyarada iyo ardada
dugsiyada sare ee Gobolka bari ee Puntland.
 
xafladan
oo ahayd mid aad usoo jiidatay ka soo qeybgalayaasha waxaa
lagu daawadsiiyay Film muuqaalo sawiri iyo qoraalo isugu
jira oo ka sheekeeynayey taariikhda Jaamacada Muqdisho wax
qabadkeedii mudadii 12-ka sano ee la soo dhaafay iyo
duruufihii ay soo martay wuxuuna dadkii daawanayey uu ku
reebay xusuus aad uqiimo badan waxaana filimkaas dadka
usharaxay Mudane C/raxmaan Macalin C/llaahi (Baadiyow) oo ah
guddoomiyaha Board ka Jaamacadda Muqdisho, waxaa kale oo
halkaasi ka hadlay Wasiirka Wasaarada Waxbarashada ee Dowlad
goboleedka Muntland Mudane Maxamuud Bile Duble oo si aad ah
usoo dhaweeyey furida faracaan sheegayna in jaamacadu ku soo
kordhin doonto Gobolada Puntland khibrad aad udheer oo ay ka
kasbatay 12-ka sano ee howsha ay ku guda jirtay.
Ugu
danbeyntii waxaa aragtida Jaamacada iyo faraca cusub ka
hadlay gudoomiyaha Jaamacada Muqdisho Dr. Cali Sheikh Axmed
Abuubakar dhibta ugu weyn ee dalka ka taagan oo ah tan
keentay bur burka qaxootinimada, lumida sharaftii dowladeed
qiimihii dalnimo iyo dadnimo waa aqoon xumo waxay
dhaxalsiisaa jahli gabagabadii wuxuu gudoomiyaha jaamacada
Muqdisho wuxuu ku soo gabagabeeyey hadalkiisii xalku waa
tacliin iyo aqoon ku dhisan dadaal xoog badan
 
Jaamacada muqdishu waxaa la aas aasay 1996 jaamacadii ugu
horeysay ee dalka laga aas aasay burburkii dowlada
soomaaliyeed kadib, jaamacada muqdishu waxay soo saartay 8
sideed dufcadood oo ka qaatay shahaadada BSC iyo BA
waxayna ka koobantahay 7 kuliyadood iyo 22 taqasus iyo
barnaamijka daraasaadka sare ( Master iyo PHD) Jaamacaada oo
leh aqoonsi caalami ah kana mid ah 40 ka Jaamacadood ee ugu
horeeya qaarada Africa waxaa kale oo ay Jaamacada Muqdisho
ka midtahay 6 urur oo Jaamacadeed oo kala ah.
1) Midowga
Jaamacadaha Caalamka Islaamka( fumi)
2) Midowga Jaamacadaha Wadamada Carabta
3) Midowga Jaamacadaha Carbeed ee gaar ka ah
4) Raabidada Jaamacadaha Islaamiga ah
5) Midowga Jaamacadaha Africa
6) Midowga Jaamacadaha Caalamiga ah
www.ceegaag.com
webmaster@ceegaag.com |
