Lamaanihii u dhashay Dalka Jarmalka ee Afduubka loogu haystay Buuraha Calmadow oo lasii daayay.

(G.Sanaag, Aug 09,  2008 Ceegaag Online)

Wararka naga soo gaaraya magaalada Boosaaso ayaa tilmaamaya in la sii daayay lamaanihii Jarmalka ahaa ee lagu haystay buuraha Calmadow ee Gobolka Sanaag halkaas oo kooxo burcad Soomaaliyeed ah ay ka soo qafaasheen badda gacanka Carmeed.

Guddoomiyaha Gobolka Bari Muuse Geelle Yuusuf ayaa saxaafada u sheegay in lamaanahaasi la sii daayey iyadoo ay jirto Lacag madax furasho ah oo dhan Hal Milyan oo Dollarka Mareykanka ah inkastoo ilaa iyo haatan aan si dhab ah loo ogeyn inta ay la egtahay lacagta madaxafurashada ah balsa waxaa noo suurta gali wayday in aan helno odayaasha dhaqanka ee maalmahaan ku howlanaa amuurtaan.

dadkan la heestayaasha ahaa ayaa xaaladooda caafimaad ay tahay mid laga deyriyay iyadoo maanta diyaarad laga saaray garoonka diyaaraddaha ee magaalada Boosaaso iyagoo isla maantaba ay ka dageen magaalada Nairobi ee Dalka kenya oo uu kusoo dhaweeyay Safiirka Somalia u fadhiya Kenya Maxamed Cali Ameeriko.

Lamaanahan ayaa Mudo  labo bilood waxaa afduub loogu heystay buuraha Calmadow ee gobolka Sanaag iyadoo sii deynta Lamaanahani ay gacan ka geysteen Waxgarad iyo dad dhex dhexaadinayey burcadda iyo ehelada la heystayaasha. oo markii danbe ku guuleestay in la sii daayo.

www.ceegaag.com

webmaster@ceegaag.com