|
Meles
Zenawi oo sheegay inay ka go'an tahay in Ciidamadiisa uu la
baxo, xitaa hadii ay tabar daran tahay Dowladda Federaalka
Soomaaliya.
(Addis Ababa, Aug
28,
2008 Ceegaag Online)
Ra'iisul
Wasaaraha Dalka Ethiopia Atto Meles Zenawi ayaa ka
dhawaajiyay inuu socdo qorshe lagu diyaarinayo sidii
Ciidamadiisa uu ugala bixi lahaa Gudaha Soomaaliya, kadib
markii Ciidamadiisa ay guul darooyin kala kulmeen soo
galistii Dalka Soomaaliya muddo 2 sanno ku dhawaad.
Isagoo
wareysi siinayay Wargeyska The Financial Times ee ka soo
baxa Dalka England wuxuu Atto Zenawi ku nuux nuuxsaday inay
ka go'an tahay sidii Ciidamadiisa uga saari lahaa Soomaaliya,
xitaa hadii ay Dowladda Federaalka tabar daran tahay.
"Waxaa
naga go'an in Ciidamadeena aan kala baxno Soomaaliya, xataa
hadii ay tabar daran tahay Dowladda Kmg ah"ayuu yiri Meles
Zenawi oo qiray in Ciidamadiisa ay ku dhintaan maalin walba
weerarada iyo dagaalada lagala soo horjeedo.
Wuxuu
cadeeyay Mr Zenawi in sii joogitaanka Ciidamadooda ay sii
joogaan Gudaha Wadanka Soomaaliya ay ku tahay Dhibaato aad u
xoogan maadaama gudaha wadankiisa, isla markaana aysan sii
awoodi karin in mar walba ay dhaqaalo ku bixiyaan
Ciidamadooda ku sugan Soomaaliya
Meles
Zenawi ayaa ku eedeeyay Beesha Caalamka inay ka gaabisay
taageerada ay siineyso Soomaaliya, waxuuna dagaalada ka sii
socda Soomaaliya mas'uuliyadeda dusha uga tuuray Beesha
Caalamka oo aan wax kaalmo ah ama taageero aan siin Dowladda
Kmg ah.
Wuxuu si
cad u sheegay in Dowladda Ethiopia taageerada ay siineyso
Dowladda Federaalka aysan aheyn mid waligeeda sii soconeysa
oo kaliya ay dhinaca siyaasadda ka taageeri doono hadda
kadib dowladda Federaalka
Ciidamada Ethiopia ayaa Soomaaliya ku sugan muddo labo sanno
ku dhawaad, waxaana gudaha Soomaaliya ay usoo gashay inay
taageero dhinaca milateri ka siiso Dowladda Federaalka ,
waxaana mudada Ciidamada Ethiopianka ku sugnaayeen
Soomaaliya kaga naf waayay askar aad u fara badan, kadib
markii ay joogto u noqotay weerarada ay ku soo qaadaan
Kooxaha diidan Joogitaankooda.
www.ceegaag.com
webmaster@ceegaag.com |
