Midowga Yurub oo 21 Million Euro ugu deeqay dalalka Geeska Afrika.

(Brussels, Aug 09,  2008 Ceegaag Online)

Midowga Yurub ayaa waxa ay lacag ugu deeqayaan wadamo ay ka mid tahay Soomaaliya taasi oo wax looga qabanayo dhibaatada haysata shacabka ay dagaaladu halakeeyeen.

Deeqdan Lacageed oo gaaraysa 21-Milyan oo Lacagta Yurub ah ayaa waxaa la siinayaa dalalka Itoobiya, Soomaaliya iyo Eritrea, iyadoo ujeedada laga leeyahay bixinta Lacagtan ay tahay in wax looga qabto dadka dhibaataysan ee dalalkaas ku nool.

Qaramada Midoobay ayaa waxa ay sheegtay in (14 Million) oo dad ah oo gobolka ku sugan ay xaalad deg deg ah u baahanyihiin oo dhinaca gar gaarka ah iyadoo sicirka cuntooyinka uu aad u kacay islamarkaana ay abaaro ka jiraan wadamada Geeska Afrika.

Midowga Yurub ayaa go'aansaday in dalalka Itoobiya Soomaalia iyo Eritrea ugu deeqo lacag fara badan oo gaaraysa (21 Milyan) oo lacagta Yurub , waxyaabaha muhiimka u ah Nolosha dadka ayaa lagu iibin doonaa Lacagtan sida Biyaha, raashiidka iyo Caafimaadka deg dega ah

Qaramada Midoobay ayaa iyaduna dhinaceeda waxa ay sheegtay in sanadkan dhamaadkiisa kala bar dadka ku nool dalka Soomaaliya ay u baahnaan doonaan gar gaar dhinac walbo ah kadib markii ay dadkaasi dhibaato fara badan ay ka soo gaareen dagaalada ka soconaya dalka Soomaaliya iyo qiimaha cuntada iyo shidaalka laga siisto oo sare u kacey.

www.ceegaag.com

webmaster@ceegaag.com