|
Nuur Cadde
"Waxaa jira qilaaf aan sidaas u badnayn oo u dhaxeeya aniga
iyo Madaxweynaha".
(Muqdisho, Aug 08,
2008 Ceegaag Online)
Ra'isal Wasaaraha xukuumada Federaalka Soomaaliya Nuur Xasan
Xuseen (Nuur Cadde) oo ka qeybgalayay dood ay soo qaban
qaabisay idaacada Horn Afrik ayaa si toos ah u xaqiijiyay
inuu jiro qilaaf u dhaxeeya Madaxda Sare ee Dowlada
Federaalka kaas oo ku saleysan hanaanka nabad raadinta
Soomaaliya sida uu sheegay Nuur Cadde .
Nuur
Cadde ayaa dhanka kale daaha ka qaaday in wasiiradii dhawaan
iska casilay xilalkoodii lagu qasbay is casilaada isagoo ku
gaabsaday ciidii doontaa ha ku qasabtee, waxa uu si aan
gabasho lahayn u carabaabay qilaafka u dhaxeeya isaga iyo
Madexweynaha inuusan ahayn sida loo weyneynayo balse uu
yahay wax yar.
"Waxaa
la isku casilaayo waa diidmo laga qabo in an ka shaqeyno
nabada magaalada Muqdisho iyo xil ka qaadistii lagu sameeyay
maamulkii gobolka oo lagu eedeyay inuu ka shaqeynayay qas
iyo qalaanqal siyaasaded" ayuu si cad u yiri Ra’iisal
Wasaaare Nuur Cadde, waxuuna wacad ku maray inta uu xilka
hayo inuu ka shaqeynayo nabada uu isaga bilaabay, isagoo
shacabkana ku booriyay inay garab istaagan nabada socota.
Mar la
weydiyay sida uu u arko hadalka xeer ilaaliyaha guud uu soo
saray ayuu yir i"Raisal wasaaruhuna waxa uu leeyahay la
taliye sharci Madaxweynuhuna sidaasoo kale ayuu u leeyahay
laakiin xeer ilaaliyaha waa danbi ooge booliska u gudbiya
cida danbiga leh ee isaga ma aha la taliyihii sharciga
xafiiska Madaxweynaha" ayuu ka dhawaajiyay Ra'isal wasaaraha
oo si aad ah uga leexleexanayay wax ka dhihida warka xeer
ilaaliyuhu soo saaray.
Ra'isal wasaare Nuur Cadde ayaa u muuqday nin raba
kalsoonida shacabka inuu kasbado taas oo dadkii oo wacayay
idaacada ay intooda badani ugu hanbalyeyeen hadalkiisa
wanaagsan iyo qorsha dibu heshiisineed uu bilaabay, wuxuu
dadka u sheegay in dowladu tahay adeegaha shacabka balse
aysan ahayn madaxda shacabka.
Hadalka Ra'iisal Wasaare Nuur Cadde oo dheeraa ayaa
nuxurkiisa waxa u ahaa mid ka fog is qabqabsiga u dhaxeeya
isaga iyo Madaxweyne C/llaahi Yusuuf, balse indhaha dadka
siyaasada indha indheeya waxa ay diirada ku hayaan natiijada
shirka Jabuuti iyo goorta uu dhici doono saxiixa loogu
balansan yahay dalka Boqortooyada Sacuudiga.
www.ceegaag.com
webmaster@ceegaag.com |
