Qarax Miino oo dhulka lagu aasay ayaa lala beegsaday toboneeyo haween ah oo ku howlanaa Nadaafada Magaalada Muqdisho.

(Muqdisho, August  03,  2008 Ceegaag Online)

Inta la og yahay 10 Haweenka ka shaqeeya Nadaafadda ayaa ku naf waayay tiro kale oo lagu qiyaasay 20 meeyo ayaa ku dhaawacmay kadib markii Haweenkaas oo ka shaqeynayay Nafaadadda Magaalada Muqdisho lala beegsaday qarax Miino oo la rumeysan yahay inuu ahaa mid dhulka lagu aasay.

Sida uu sheegay goob joogo degan Xaafadda Waaberi Qaraxa ayaa waxaa uu dhashay markii haweenkaas bilaabeen inay wadada Nadiifiyaan,wadadaas oo ah wadada Maka Al Mukarama agagaarka Shaneemo Soomaali, waxaana la arkayay hilibkii Dumarkaas oo gogo'ay.

Wararka ayaa sheegaya in dadka Xaafadda iyo dad kale oo goobaha Ganacsiga ka tirsan Gurmad deg deg ah u sameeyen Haweenkaas dhintay iyo kuwa dhaawacmay.

Haweenkan ayaa waxay Maalin walba ku howlanaayeen Nadaafadda Wadadaas iyagoo dhaqaalena ka heli jiray Hay'adaha NGO-yada ee ka howlgala Magaalada Muqdisho.

Ma ahan markii ugu horeysay oo qarax lala beegsado Haweenka ka shaqeeya Nadaafadda mar sii horeysay ayaa sidan oo kale Haween ka shaqeynayay Nadaafadda agagaarka Masjidka Biyo Maalow ee Wadada Wadnaha waxaa lala beegsaday Miino, taas oo ay ku dhinteen ilaa iyo 7 Haween ah

www.ceegaag.com

webmaster@ceegaag.com