QM ayaa cambaareysay Qaraxii lagu laayay Haween badan oo ku howlanaa Nadaafadda Magaalada Muqdisho.

(New York, Aug 05,  2008 Ceegaag Online)

Dhacdadan waxay ahayd mid ka mid ah xanuunadii ugu darnaa ee soo wajahay Shacabka Soomaaliyed, sidaas darted lagamana yaabo in la ilaabo waayo waxaa la laayay waxay ahaayeen Dumar Nolol Maalmeed ka raadin jiray NGO-yada ka howlgala gudaha Caasimadda Muqdisho si ay u nadiifiyaan waddooyinka Magaalada.

Wakiilka Qaramada Midoobay u qaabilsan Soomaaliya Ahmad Ould Cabdallah ayaa waxaa uu tilmaamay in uu aad ugu xun yahay dhibaatadii gaartay maalintii Axada ahayd haweenka Soomaaliyeed ee gaarayay 20 oo lagu dilay Qarax Miino oo lagu aasay wadada Makka Al Mukarama ee magaalada Muqdisho.

“Haweenkani waxa ay isku dayayeen in ay hormariyaan nadafada jidadka magaalada Muqdisho marka uu qarax haleelay taasina waa mid aan loo baahnayn in haween qarax lala eegto”ayuu yiri Ahmed Oulda Cabdallah.

“Sanado ka dib qalaalasaha ka taagan Dalka Soomaaliya waxa ay u baahan tahay in ay dib u hesho sumcadeedii,sharafteedii iyo nabad waarta”ayuu Ahmed Oulda Cabdallah war murtiyeedkiisa ku yiri,waxana uu dhamaan dhinacyada Soomaaliya ugu baaqay in ay wada shaqeeyaan islamarkaana ay xaliyaan dhibaatada siyaasadeed ee ka taagan dalka Soomaaliya.

www.ceegaag.com

webmaster@ceegaag.com