|
Wasiiro ka
tirsan Dowladda KMG oo is casilay kadib markii uu sii
xoogeystay Khilaafka u dhaxeeya C/llaahi Yuusuf iyo Nuur
Cadde.
(Muqdisho, August
02,
2008 Ceegaag Online)
Wararka
naga soo gaaraya xarunta Madaxtooyada Soomaaliya ee
Magaalada Muqdisho ayaa sheegaya in ku dhawaad12 Wasiir oo
ka mid ahaa Xukuumadda Ra'iisal Wasaare Nuur Xasan Xuseen (Nuur
Cadde) ku dhawaaqeen is casilaadooda kadib markii uu sii
xoogeystay muranka u dhaxeeya Madaxweynaha Dowladda
Federaalka Soomaaliya C/llaahi Yuusuf iyo Ra'iisal Wasaare
Nuur Cadde.
Lama oga
Wasiiradan is casilay cidda aragti ahaan taageersan yihiin
marka laga hadlayo Madaxweynaha iyo Ra'iisal Wasaaraha,
laakiin waxaa loo badinayaa inay yihiin Wasiiro ku aragti ah
Madaxweyne C/llaahi Yuusuf.
Wasiirada is casilay waxaa
ka mid ah
1.
Muxiyadiin Maxamed Xaaji Ibraahim... Wasiirka
Gaashaandhigga
2.
Ceydiid
Cabdullaahi Ilko-Xanaf.... Ra'iisul Wasaare ku-xigeen,
Wasiirka Waxbarashada iyo Hiddaha.
3.
Saalim
Caliyow Ibrow... Ra'iisul-Wasaare xigeen, Wasiirka Garsoorka
iyo Arrimaha Diinta
4.
Cali Axmed
Jaamac Jangali... Wasiirka Arrimaha Dibedda iyo Iskaashiga
Caalamiga ah
5.
Cabdirisaaq
Ashkir Cabdi... . Wasiirka Horumarinta Gobollada, Arrimaha
Federaalka iyo Dib u heshiisiinta.
6.
Cabdi Maxamed
Tarrax.. .. Wasiirka Boostada iyo Isgaarsiinta
7.
Khadiijo Maxamed Diiriye... Wasiirka Horumarinta Haweenka
iyo Arrimaha Qoyska
Waxay sheegeen in sababta isku casileen ay tahay waxqabad
la'aanta Xukuumaddii ay ka tirsanaayeen iyo tashi la'aan
Ra'iisal Wasaaruhu ku maroorsaday Go'aanka Wasiirada uu
Madaxda u yahay.
Khilaafka Wasiirada ayaa bilowdey maalinimadii Salaasada
markii kulan ay yeesheen Golaha Wasiirada Xukuumada Dowladda
Federaalka oo Shaqada looga eryay Gudoomiyaha Gobolka
Banaadir ahna Duqa Magaalada Muqdisho kadib markii uu
Ra'iisal Wasaare Nuur Cadde Go'aan ku gaaray inuu Xilka Ka
Xayuubiyo Max'ed Dheere.
www.ceegaag.com
webmaster@ceegaag.com |
