Xaalada Magaalada Kismaayo oo xasiloon kadib markii ay saaka la wareegeen Xoogaga Maxkamadaha.

(Kismaayo, Aug 22,  2008 Ceegaag Online)

Xaalada Magaalada Kismaayo oo maanta ay dagaalo Culus ay ka dhaceen ayaa ah mid degan, inkastoo Magaaladu guud ahaan gacanta ugu jirto Xoogaga Maxkamadaha ee uu Hogaamiyo Sheekh Xasan Turki.

Jawiga Magaalada ayaa caawa u muuqda mid bandow ku jira, waxaana Magaaladu tahay mid cidlo ah oo ay dadkii ku sugnaa intooda badan ay barakaceen, waxaana sidoo kale Magaalada isaga baxay Maleeshiyaadkii beesha gacanta ku heysay Magaalada Kismaayo.

Joogjooge ku sugan Magaalada Kismaayo ayaa Ceegaag Online u xaqiijiyay inay Xoogaga Maxkamadaha gaaf wareegayaan Gudaha magaalada, iyagoo ay saaran yihiin gaadiidka dagaalka.

Xildhibaan Barre Hiiraale ayaa Magaalada Kismaayo isaga baxay, markii looga itaal roonaaday dagaalo socday saddex maalmood, oo ay maleeshiyaadkiisu qeyb ka ahayd dagaalada.

Ilaa iyo hada ma jirto wax mas'uul ah oo ka tirsan Maxkamadaha oo ka hadlay dagaaladii Kismaayo iyo la wareegitaankooda Magaaladaas oo muddo sanad iyo bar ka hor laga soo ceyriyay maamul uu u magacaabay Madaxweynaha Soomaaliya Mudane C/llaahi Yuusuf Axmed.

www.ceegaag.com  

webmaster@ceegaag.com