|
Xeer
Ilaaliyaha Qaran ayaa Sharci daro ku tilmaamay Golaha
Wasiirada cusub ee dhawaan soo Magacabay RW Nuur Cadde.
(Baydhabo, Aug 07,
2008 Ceegaag Online)
Xeer
ilaaliyaha Qaran ee Dowladda Federaalka Soomaaliya ayaa
sharci daro ku tilmaamay dhamaan tallaabooyinka uu qaaday
Ra'iisal Wasaaraha Dowladda KMG ah Nuur Xasan Xuseen (Nuur
Cadde) oo ah xil ka qaadista Guddoomiyaha Gobolka Banaadir
ahna Duqa Magaalada Muqdisho Maxamed Dheere iyo Magacaabista
xubnaha cusub ee Golaha Wasiirada
C/llaahi
Daahir Barre hadal qoraal ah oo uu soo saaray waxaa uu ku
sheegay in uusan xaq u lahayn Ra'iisal Wasaaraha Soomaaliya
inuu wareegto wax ku magacaabo iyo inuu xil ka qaado
Guddoomiye Gobol, waxaa uu sheegay Xeer ilaaliyaha Guud in
Ra'iisal Wasaaraha uu xaq u leeyahay oo kaliya soo jeedin,
laakiin wixii magacaabis ahna uu leeyahay Madaxweynaha
29-kii
bishii July ayaa Wareegto ka soo baxday Xafiiska Ra'iisal
Wasaaraha Soomaaliya waxaa Xilkii looga Xayuubiyay
Guddoomiyihii Gobolka Banaadir ahna Duqii Magaalada Muqdisho
Max'ed Dheere
30 kii
Bishaas Wareegto uu soo saaray Madaxweynaha Dowladda KMG ah
C/llaahi Yuusuf Axmed ayaa lagu buriyay tii Ra'iisal
Wasaaraha soo saaray, waxaana lagu amray wareegtadaas
Maxamed Dheere inuu sii wato howshiisa Maamulka Gobolka
Banaadir.
Khilaafka
Labada Mas'uul ee ugu sareysa Dowladda ayaa u muuqda mid sii
xumaanaya oo laga yaabo in aaqirkii khatar badan dhaliya
www.ceegaag.com
webmaster@ceegaag.com |
