Madaxweyne Yuusuf oo iska  casilay Xilkii Madaxweynenimo ee Dalka Soomaaliya..

(Baydhabo, December 29,  2008 Ceegaag Online) 

Madaxweynaha Dowladda Federaalka Soomaaliya Mudane C/llaahi Yuusuf Axmed ayaa daqiiqado ka hor iska casilay xilkii Madaxweynenimo ee dalka Soomaaliya kadib kulan saaka uu la qaatay Xildhibaano ka tirsan Barlamaanka Soomaaliya, isagoo Baarlamaankana ka hor sheegay inuu is casilay xilkiina si KMG ah ugu wareejiyay Guddoomiyaha Baarlamaanka Sheekh Aadan Madoobe.

Madaxweyne Yuusuf oo hadal gaaban u jeediyay Xildhibaanada Barlamaanka ayaa yiri “Markii aan fiiriyay arrimo badan, markii aan ogaaday inaan dalka gaari Karin doorasho xor ah, waxaan go’aansaday in aan dib idinku soo celiyo xilkii aad ii doorateen 10-Octobar 2004-tii, Markii dalka intiisa badan kooxo xaq jir ah qabsadeen awood aan ku difaacno aan weynay, markii aad i doorateen ayaa idin sheegay haddii aan wax wadi waayo inaan dib idinku soo celin doono,maanta ayaa idin soo celiyay”  waxaa dhinacayga taagan Guddoomiyaha Baarlamaanka oo aan ku wareejiyay warqaddii is casilaada, waana Mahadsan tihiin” ayuu yiri Madaxweyne Yuusuf

Madaxweynihii Dowladda Federaalka Soomaliya ayaa u ambabixidoona saacado kadib Magaalada Gaalkacyo ee Xarunta Gobolka Mudug, halkaas oo uu maalmo ku qaadan doono Nasasho gaaban..

Dhagayso Qudbada Madaxweynaha Dhageyso

www.ceegaag.com 

webmaster@ceegaag.com