Madaxweyne Yuusuf oo ka dagay Nairobi, Kulana la qaadan doona Jandayi Frazer.

(Nairobi, December 20,  2008 Ceegaag Online) 

Madaxweynaha Dowladda Federaalka Soomaliya Mudane C/llaahi Yuusuf Axmed iyo Wafdi uu hoggaaminayo ayaa saacad ka hor ka dagay garoonka Jomma-Kenyatta International Airport ee magaalada Nairobi ee Dalka Kenya.

Madaxweynaha ayaa waxaa Garoonka Diyaaradaha ee Kenya ku soo dhaweeyay xubno ka tirsan Wasaaradda Arrimaha Dibadda Kenya iyo xubno ka tirsan Baarlamaanka Soomaaliya oo Kenya ku sugan.

Socdaalka Madaxweyne Yuusuf ee dalka Kenya ayaa ku soo aaday xilli dhawaan Dowladda Kenya shaacisay in ay xayiraad ku soo rogtay Madaxweynaha Soomaliya C/llaahi Yuusuf iyo Qoyskiisa kadib markii Madaxweyne Yuusuf Magaalada Baydhabo kaga dhawaaqay inuu xilkii ka xayuubiyay Ra’iisal Wasaare Nuur Cadde, magacaabayna Ra’iisal Wasaare cusub, arrintaas oo beesha Caalamka ka hor timid isla markaana Beesha Caalamka ay taageereen go’aankii Baarlamaanka codka ku siiyay  Wasiiradii dhawaan uu soo Magacaabay Ra’iisal Wasaare Nuur Cadde.

Dowladda Kenya ayaa horay u shaacisay in ay xayiraad dhinac socdaalka ah ku soo rogtay madaxweynaha dowladda federaalka, oo aanu wax socdaal ah ku imaan karin dalkeeda ayaa la ogeyn sababta ay u badeshay mowqifkeeda hore.

Dhinaca kale Afhayeenka Madaxweynaha Xuseen Xuub sired ayaa sheegay in Madaxweynaha Magaalada Nairobi kulan kula yeelandoono Kaaliyaha Xoghayaha Arrimaha Dibedda ee Mareykanka arrimaha Africa Jendayi Frazer.

www.ceegaag.com

webmaster@ceegaag.com