Diyaarad Nooca Basaaska oo goor dhow ku soo dhacday Magaalada Baydhabo ee Gobolka Bay

(Baydhabo, December 24,  2008 Ceegaag Online) 

Diyaaradan oo ah Nooca yar yarka ah ee wax basaasta ayaa waxay goor dhow ku soo dhacday Magaalada Baydhabo ee Gobolka Bay. Diyaaradan oo ah Nooca Kombiyuutarka laga hago ayaan la ogayn dalka sida gaarka ah u leh, waxayna ku soo dul habsatay meel ku dhow garoonka Diyaaradaha Magaalada Baydhabo ee Gobolka Bay.

Warar laga helayo Magaalada Baydhabo  waxay sheegayaan in diyaaradan loo malaynayo in laga leeyahay Dalka Maraykanka,  Nooceedana ay tahay mida sirdoonka Maraykanka oo kale. Arrintan ayaa waxay Cabsi xoogan ku abuurtay dadka ku dhaqan Magaalada Baydhabo oo ay layaab iyo anfariir ku abuurtay bur burka Diyaaradaasi, waxaana  goobta ay ku soo dhacday Diyaaradaasi ku xoomay Dadweyne aad u fara badan.

Goobta ay ku soo dhacday Diyaaradan ayaa waxaa soo gaaray Ciidamo Itoobiyaan ah iyo kuwa dowlada KMG waxaana la sheegay in markii danbe ay bur burka diyaaradan ay soo qaadeen ciidamada Itoobiya. Ma jiraan wax qasaare ah oo ka dhashay bur burka diyaarada goobta ay ku soo dhacday oo ahayd meel banaan, taasoo suuragal ka dhigtay in aysan wax qasaare ah gaarsiin dadka ku dhaqan Magaalada Baydhabo ee Gobolka Bay.

www.ceegaag.com

webmaster@ceegaag.com